Rådmannen si innstilling:
I medhald av § 27-1 i Plan- og bygningslova vedtek Det faste utvalet for plansaker å fremme
forslag til reguleringsendring for
Hyttefelt på Linge, gnr. 1, bnr. 1.
Endringa gjeld å auke hytteareal til inntil 20 % BYA.
Forslaget til reguleringsendring vert lagt ut til ettersyn i
perioden 31.05. – 23.06.06.
Eventuelle merknader skal vere skriftleg og sendast Norddal
kommune, Det faste utvalet for plansaker, Rådhuset, 6210 Valldal.
-----------------------------------------------------
Handsaming i Det faste utvalet for plansaker 29.05.06:
Signe Brenna sette fram slikt forslag til vedtak:
Endring av reguleringsføresegner utover små justeringar i
allereie vedtatte arealplanar,
er ikkje tilrådeleg.
Røysting:
6 røysta for innstillinga
1 røysta for framlegget frå Signe Brenna som fall
--------------------------------Dette er slutten på
behandlingsteksten (denne teksten skrives ikke
ut)------------------------------------------------
I medhald av § 27-1 i Plan- og bygningslova vedtek Det faste utvalet for plansaker å fremme
forslag til reguleringsendring for
Hyttefelt på Linge, gnr. 1, bnr. 1.
Endringa gjeld å auke hytteareal til inntil 20 % BYA.
Forslaget til reguleringsendring vert lagt ut til ettersyn i
perioden 31.05. – 23.06.06.
Eventuelle merknader skal vere skriftleg og sendast Norddal
kommune, Det faste utvalet for
----------------------------------------------------------------------------
Saksgrunnlag:
Søknaden dagsett 30.03.06 frå H.I. Bygg AS gjeld eigentleg
dispensasjon frå reguleringsføresegnene § 2.1 for Hyttefelt på Linge som
fastset at tillat bebygd areal (BYA) maksimalt 100 m2.
Søknaden går på at ein skal gå over til å definere
utnyttingsgrad på tomta til 16,5 % BYA.
Saksopplysningar:
Reguleringsføresegnene § 2.1 for Hyttefelt på Linge har
mellom anna slik ordlyd:
-Tillate bebygd areal
BYA=10% i 1 etasje + loftsplan, maksimalt 100 m2 BYA.
Der tomtane er små og
landskapet tilseier at det kan byggast større enn BYA=10% kan dette godtakast.
Det kan i tillegg
oppførast eit frittståande uthus med tillate bebygd areal BYA=10 m2 i ein
etasje.
Reguleringsplanen for hyttefeltet er frå 1997 med ei
revidering av plan og føresegner i 2001.
Det som løyser ut denne saka er ynsket frå eigar av tomt nr.
12 i feltet, Svein Hellandsvik, om å lage takoverbygde uteplassar og såleis
overskride reguleringsplanen sine krav om maksimalt 100 m2 BYA.
Saksvurdering og konklusjon:
Saka har vore drøfta med grunneigar Sigurd Linge. Linge
kunne opplyse at fleire av hytteigarane i hans hyttefelt har lufta planar om
mindre tilbygg, takoverbygg osv. og såleis var det naturleg å prøve saka om
reguleringsendring i staden for å ha mange søknadar om dispensasjonar frå
arealkravet i planen.
Fleire av tomtane i dette hyttefeltet har ein storleik på
700-800 m2 og ein utnyttingsgrad på til dømes 16,5 % BYA vil då tilsvare 115
m2– 132 m2 BYA.
Det har vore klare politiske signal om å akseptere større
hytter enn tidlegare i kommunen, og i dei nyaste hyttefelta har ein hyttestorleik på BYA 20 % (Hagardshjellen)
og BYA 25% (Lingås).
Administrasjonen har lenge hatt den haldninga til storleik
på bygningar, at det er tomten sin storleik og form m.v. som skal vere
avgjerande for storleiken på bygninga.
Det synest å vere ein generell tendens å bygge maksimalt
tillate, og arealreglane (BYA) gjer då til dømes at på ein tomt der det fagleg
var best å bygge i vidda, vert i staden i bygt i høgda. Altså vi får eit meir ruvande bygg i staden for eit
som ligg mot terrenget.
Ideelt sett burde reguleringsplanane vere så gjennomarbeidde
at hovudform på bygget, storleik og etasjetal var fastsett for den eiskilde
tomt. Då hadde det også vore lettare å gjere dei tiltreisande nybyggarane
innblikk i vår byggeskikk og tradisjon.
Det faste utvalet for plansaker kan no berre vedta forslag til reguleringsendring, vedtak
kan ikkje gjerast før dei planen vedkjem har hatt høve til å uttale seg/vere
aktivt med i reguleringsprosessen, jfr. § 28-1 nr. 4 i PBL.
