NORDDAL KOMMUNE

Arkiv: C50 Saksmappe: 05/00310-11 Sakshandsamar: Stig Holmstrøm Dato: 22.05.2006

Møtebok

Skredsenter i Tafjord

Saksnr. utval	Utval	Møtedato
059/06	Formannskapet	29.05.06

Utsendte saksdokument:

1	Referat frå møte 16.05.06

Ikkje utsendte saksdokument:

Rådmannen si innstilling:

Formannskapet tar orienteringa om oppretting av interimsstyre for nasjonalt skredsenter i Tafjord til vitande, og ber om å bli halde orientert om vidare framdrift i saka.

-----------------------------------------------------

Handsaming i Formannskapet 29.05.06:

Signe Brenna, Nl kom med slikt forslag til vedtak:

Det vert ikkje oppstart med forprosjekt til eit skredsenter før prosjektet ”Galerie Tafjord” er vedtatt. Dette for å sjå innhaldet i prosjektet ”Galerie Tafjord” og dei økonomiske konsekvensane dette prosjektet gir for kommunen.

Merete Løvoll Rønneberg, Sp kom med slikt forslag til vedtak:

Pkt. 1: Som innstillinga.

Pkt. 2: Norddal kommune ynskjer å vere ein bidragsytar for å få realisert eit skredsenter, så sant forholda ligg til rette for dette. Formannskapet vil likevel presisere at kommunen ikkje kan binde seg til å gje økonomiske løyvingar for å få fram, og seinare drøfte eit slikt senter.

Det vart først røysta over Brenna sitt forslag
1 røysta for forslaget som fall

6 røysta for innstillinga

Det vart røysta over Løvoll sitt tilleggsforslag pkt. 2:

1 røysta for tilleggsforslaget som fall

6 røysta i mot

--------------------------------Dette er slutten på behandlingsteksten (denne teksten skrives ikke ut)------------------------------------------------

Vedtak i Formannskapet - 29.05.06:

Formannskapet tar orienteringa om oppretting av interimsstyre for nasjonalt skredsenter i Tafjord til vitande, og ber om å bli halde orientert om vidare framdrift i saka.

----------------------------------------------------------------------------

Saksgrunnlag:

Ideen om eit skredsenter i Tafjord har ei lang historie. Rådmannen reknar med saka er godt kjent blant formannskapet sine medlemmar, og tar her ikkje opp att bakgrunnen. Det er tidlegare utarbeidd fleire prosjektskisser som har vore med på å vidareutvikle den opphavlege tanken bak eit skredsenter, og etter at ein no har avklara grensesnittet mellom skredsenteret i Tafjord og beredskapssenteret i Stranda, er det nå grunnlag for å gå vidare i arbeidet. Senteret i Stranda skal ha fokus på overvaking og beredskap medan senteret i Tafjord skal vere retta mot publikum og ha fokus på informasjon og kunnskapsformidling i vidaste forstand om fjell og fjellskred.

Saksopplysningar:

Ut frå ovanståande inviterte kommunen ulike ”interessentar” i saka til eit møte 16. mai for å diskutere korleis ein kan kome vidare i saka, og for å oppnemne eit interimsstyre. Innhaldet i møtet vil gå fram av vedlagte referat. Her skal kort berre nemnast klar vilje frå alle deltakarane til å gå vidare med prosjektet, og at følgjande interimsstyre vart oppnemnd:

Stig Holmstrøm, rådmann

Astor Furseth, lokalhistorikar/idemakar

Oddfrid Tafjord, formannskapet

Oddbjørn Lianes, Tafjord Kraft

Inntil vidare vil næringssjef Per Grimstad fungere som sekretær for interimsstyret.

Saksvurdering og konklusjon:

Etter mange år med utgreiingar og diskusjonar kring eit evt. skredsenter i Tafjord, er det no på tide at ein søkjer å få fram eit endeleg prosjekt for avgjerd. Interrimsstyret si primære oppgåve framover vil difor vere å finne finansiering for eit forprosjekt som gir grunnlag for avgjerder m.o.t. lokalisering, finansiering (investering og drift) og organisering. Mykje av det grunnlaget som finst i tidlegare utgreiingar, m.a. frå Astor Furseth og MRB v/Knut G. Iversen, vil kunne nyttast som bidrag i forprosjektet.

Interimsstyret har også fått i oppgåve å førebu ein presentasjon for fylkesutvalet under deira vitjing i kommunen 16. juni.

Stig Holmstrøm

rådmann