NORDDAL KOMMUNE

Arkiv: 68/2/1 Saksmappe: 05/00897-5 Sakshandsamar: Øystein Klempe Dato: 19.01.06

Møtebok

Søknad om konsesjon for Eidsdal Kraft for leigeavtale av fallrettar

Saksnr. utval	Utval	Møtedato
003/06	Formannskapet	24.01.06

Utsendte saksdokument:

Ikkje utsendte saksdokument:

Leigeavtale av fallrettar m.m., dagsett 09.09.05

Søknad om konsesjon frå Eidsdal Kraft AS, dagsett 18.01.06

Rådmannen si innstilling:

Med heimel i §§ 2 og 3 i Lov om konsesjon ved erverv av fast eiendom vedtek formannskapet å gje konsesjon for Eidsdal Kraft AS for leigeavtale med Eidsdal Fallrettslag BA om fallrettar m.m. dagsett 09.09.05

-----------------------------------------------------

Handsaming i Formannskapet 24.01.06:

Samrøystes i samsvar med innstillinga.

--------------------------------Dette er slutten på behandlingsteksten (denne teksten skrives ikke ut)------------------------------------------------

Vedtak i Formannskapet - 24.01.06:

Med heimel i §§ 2 og 3 i Lov om konsesjon ved erverv av fast eiendom vedtek formannskapet å gje konsesjon for Eidsdal Kraft AS for leigeavtale med Eidsdal Fallrettslag BA om fallrettar m.m. dagsett 09.09.05

----------------------------------------------------------------------------

Saksgrunnlag:

Det ligg føre søknad om konsesjon for leigeavtale av fallrettar m.m. som Eidsdal Kraft AS har inngått med Eidsdal Fallrettslag BA som er eigedomane gnr 60 Veiberg, gnr 67 Berge og gnr 68 Øye. Leigeavtalen er knytt til utbygging av kraftverk i Eidsdalelva.

Ved sida av fallrettar omhandlar avtalen rett til plassering og bruk av inntak, tunnel, rørgate, kanal, vegar, kraftstasjon og elektriske anlegg.

Saksopplysningar:

Konsesjonslova for overtaking av eigedom gjeld ikkje for anlegg der det er gitt løyve etter Lov om vannfall m.m. av 1917. Dette er imidlertid berre for anlegg av ein viss storleik. Mindre anlegg går inn under vassressurslova, og det er gitt løyve til Eidsdal Kraft AS etter denne lova. Denne lova gir ikkje unntak frå konsesjonslova for eigedom, og alle erverv for anlegget må handsamast etter Lov om konsesjon ved overtaking av fast eigedom. Etter § 3 gjeld det og leigetilhøve lenger enn 10 år. Ein har ikkje funne at konsesjonslova gir noko unntak for konsesjon av slike anlegg. Anlegget må difor ha konsesjon for leigeavtalane for å få tinglyst desse.

Saksvurdering og konklusjon:

Det er ikkje sakleg grunn for å nekte konsesjon. Anlegget er godkjent av NVE, og konsesjon for leigeavtalen er ein del av gjennomføring av anlegget.

Stig Holmstrøm

rådmann