Handsaming i Driftsutvalet 23.05.2007:
Rådmann la fram slik endra innstilling i møtet:
1.
Som forslått, med tillegg…………, med frådrag av 521 rammetimar
som er tatt på innsparinga frå nedlegging av Tafjord skule.
2.
Ny fordeling av rammetimetalet vert å avklare i samråd med
rektorane ved skulane.
Petter Melchior kom med slikt forslag:
Saka vert utsett til nytt møte i Driftsutvalet snarast råd.
Det vart røysta over
utsettingsforslaget:
6 røysta for Petter Melchior sitt forslag
1 røysta i mot
Saka vert utsett til nytt møte i Driftsutvalet snarast råd.
Saksgrunnlag:
Undervisningstimetalet er det samla lærartimetalet for
skuleåret. Rektorane har sendt inn oversikt over klassedeling og skulane sine
ønskje om tildeling av lærartimar til klassedeling, gruppedeling/tilpassa
undervisning, spesialundervisning med konvertering og kontaktlærarteneste. I
tillegg kjem timar til opplæring av framandspråklege. Dei timane blir
finansierte av statlege midlar og blir såleis ikkje rekna inn i summen for
oppsettet over undervisningstimetalet. Nytt for i år er at desse statlege
midlane blir løyvde gjennom rammetilskotet. Rektorane har sendt inn
grunngjevingar for skulane sine ønskje.
Saksopplysningar:
Timar til klassedeling og kontaktlærarteneste blir tildelte
etter dei reglane som har vore tidlegare, og det er ikkje teke omsyn til at
reglane for storleiken på klasser og grupper er mjuka opp.
Klassedelinga komande skuleår er den same som for skuleåret
06/07, bortsett frå at klassen ved Tafjord skule og barnehage fell vekk, og
elevane blir overflytta til Valldal skule.
Behovet for timar til gruppedeling og tilpassa undervisning
er vurdert for den einskilde skule, og det er teke omsyn til at gruppene skal
vere pedagogisk forsvarlege, og at behovet for tilpassa undervisning blir
rimeleg dekt.
Tildeling av timar til spesialundervisning er gjort etter
uttale og vurdering frå Pedagogisk Psykologisk Teneste.
Det samla undervisningstimetalet i grunnskulen i Norddal
utanom opplæring av framandspråklege er sett til 27 316. Det er 1 303 timar
mindre enn inneverande skuleår. I tillegg blir timetalet til minoritetsspråkleg
undervisning av tilflytta utanlandske elevar redusert med 455 timar.
Den viktigaste grunnen til reduksjonen i
undervisningstimetalet er at Tafjord skule og barnehage blir lagt ned. Elevane
blir flytta over til Valldal skule.
Dalsbygda skule og barnehage har ønskt å få 3-deling, men
dette er ikkje imøtekome. Skulen har likevel fått mange delingstimar, og har
også fått ein auke i timetalet frå i fjor.
Eidsdal skule har fått ein liten auke både på barnesteget og
ungdomssteget. Valldal skule har også fått ein liten auke på barnesteget medan
timetalet på ungdomssteget er redusert.
For Dalsbygda skule og barnehage og for Eidsdal skule vil
det tildelte timetalet kunne bli dekt innafor budsjettet for 2007. For Valldal
skule vil det vere nødvendig med ei budsjettjustering.
Saksvurdering og konklusjon:
Framlegget til undervisningstimetal i grunnskulen for
skuleåret 2007/2008 skal kunne gje skuleverket i Norddal rom for å drive etter
gjeldande lover og forskrifter, og bør også kunne gje høve til å organisere undervisninga
på ein pedagogisk tilfredstillande måte.
