Møtebok
Kompetanseutvikling i
grunnskulen i Norddal kommune 2005-2008
med
handlingsplan 2007
|
Saksnr.
utval
|
Utval
|
Møtedato
|
|
038/07
|
Driftsutvalet
|
23.05.07
|
Utsendte saksdokument:
Strategiplan for kompetanseutvikling i grunnskulen i Norddal
kommune 2005-2008 med handlingsplan
2007
Ikkje
utsendte saksdokument:
Stortingsmelding nr. 30: Kultur for læring
Kompetanse for utvikling 2005-2008
Rundskriv 13/04: Dette er Kunnskapsløftet
MR fylke: Strategi for kompetanseutvikling i grunnopplæringa
2005-2008
Kartlegging av kompetanse hos personalet i skulane i Norddal
Rapportering på kompetanseutvikling 2006
Strategiplanen for kompetanseutvikling 2005-2008 med
handlingsplan for 2007 blir vedteken slik den ligg føre.
Saksgrunnlag:
Nasjonale og internasjonale
kvalitetsundersøkingar har vist at det er mykje bra i norsk skule, men at der
og er område der kvaliteten bør hevast. Stortinget har difor gjort vedtak om ei
større endring i opplæringa i grunnskule og vidaregåande skule som blir kalla
”Kultur for læring”. Det inneber at det i åra 2005 – 2008 skal gjennomførast ei
rekkje reformer for å gjere elevane i grunnopplæringa og vidaregåande skule
betre i stand til å møte utfordringane frå kunnskapssamfunnet.
Reformene er m.a. nye og annleis
oppbygde læreplanar, endring i fag og timefordelinga, innføring av nye
tverrfaglege emne og prioritering av visse grunnleggjande ferdigheiter. Dette
krev ei omfattande satsing på kompetanseutvikling for dei som arbeider i
skulen.
I perioden 2005 – 2008 blir det ytt
betydelege beløp til kommunane til etter- og
vidareutdanning av personalet i skulen. Det skal takast omsyn til den
einskilde sitt behov for fornying så vel som skuleeigar sine behov.
Ansvar for kartlegging, prioritering og gjennomføring av
kompetanse-tiltak er lagt til den einskilde kommune som skuleeigar. Lokale
planar for kompetanseutvikling skal utarbeidast, bygd på dei nasjonale
føringane. Det er ein føresetnad at ein slik plan er utarbeidd og at han er
godkjend av eit kommunalt politisk organ før kompetansemidlane blir utbetalte
til kommunen. Dette er det fylket som
administrerer. Kvart år skal
kommunen sende inn rapport om korleis midlane er brukte, og fylket vil då
kontrollere om dei er brukte i samsvar med nasjonale prioriteringar og kommunal
plan.
Saksopplysningar:
Skulane i Norddal har i mange år hatt høgt utdanna og godt
kvalifisert undervisnings-personale. Skulane har også på ulike område vore i
forkant av utviklinga og har alt skaffa seg ein del kompetanse og erfaring
innanfor nokre av dei områda som no blir spesielt vektlagde. Det gjeld mellom
anna skulebasert vurdering, tilpassa undervisning, skulen som lærande
organisasjon, digital kompetanse og leseprosjekt.
Men den nye reforma vil stille mange nye krav. Dei nye
læreplanane gjev m.a. større fridom i val av arbeidsmåtar, og dette stiller
også større krav til kompetanse hos lærarane.
Det ansvaret skuleeigar har for
kompetanseutvikling inneber også ansvar for å utvikle lokalt tilpassa metodar
og rutiner for vurdering av skulen sin kvalitet. Ekstern skulevurdering og
systematisk oppfølgjing av nasjonale kvalitetsvurderingssystem er også viktige
hjelpemiddel.
Den einskilde skulen skal også
utvikle ein kultur for heile tida å ta til seg og gjere seg nytta av ny lærdom,
og vere ein arena der alle tek ansvar for og kjenner seg forplikta til å
realisere felles mål.
Etter kartlegging av kompetanse hos personalet og vurdering
av kompetanseutviklingsbehovet på den einskilde skule, er det laga ei
prioritering av satsingsområda. I denne prioriteringa er det lagt vekt på
skuleleiinga sitt behov og den einskilde sitt ønskje.
Strategiplanen for
kompetanseutvikling i grunnskulen i Norddal kommune 2005-2008 med handlingsplan
for 2006 vart vedteken i driftsutvalet i mai 2006 og sendt inn til fylkesmannen
i Møre og Romsdal. På den bakgrunn fekk Norddal utbetalt 159 000 kr til
kompetanseheving i 2006. Dette blei brukt til etterutdanning av skuleleiarar,
lærarar og assistentar. I januar 2007 blei det sendt rapport til fylkesmannen
om bruk av desse midlane.
Men det er krav om at handlingsdelen av planen skal
rullerast for kvart år, og det er derfor nødvendig at denne blir politisk
handsama også for 2007. Når planen er godkjend, vil Norddal kommune få utbetalt
151 000 kr. i kompetanseutviklingsmidlar for 2007. Det er ein føresetnad at
Norddal kommune i tillegg til dette går inn med eigne midlar til
kompetanseheving.
Saksvurdering og konklusjon:
Den framlagde planen bør vere ei god rettesnor for bruken av
kompetansemidlane i Norddal. Den følgjer opp dei nasjonale prioriteringane,
samstundes som lokale behov blir ivaretekne.
