NORDDAL KOMMUNE

Arkiv: U63 Saksmappe: 07/00378-5 Sakshandsamar: Wenke Sylju Dato: 14.05.2007

Møtebok

Søknad om permanent utviding av skjenketid på avgrensa areal ute

Saksnr. utval	Utval	Møtedato
036/07	Driftsutvalet	23.05.07
034/07	Kommunestyret	28.06.07

Utsendte saksdokument:

Søknad

Ikkje utsendte saksdokument:

Alkoholpolitisk og førebyggande rusplan for Norddal kommune

Rådmannen si innstilling:

Søknaden vert å avslå.

Avslaget er grunna i Alkoholpolitisk og førebyggande rusplan for Norddal kommune,

pkt. 7.2, 5. ledd.

Handsaming i Driftsutvalet 23.05.2007:

Samrøystes i samsvar med innstillinga.

Innstilling i Driftsutvalet - 23.05.2007:

Søknaden vert å avslå.

Avslaget er grunna i Alkoholpolitisk og førebyggande rusplan for Norddal kommune,

pkt. 7.2, 5. ledd.

Handsaming i Kommunestyret 28.06.2007:

Samrøystes i samsvar med innstillinga.

Vedtak i Kommunestyret - 28.06.2007:

Søknaden vert å avslå.

Avslaget er grunna i Alkoholpolitisk og førebyggande rusplan for Norddal kommune,

pkt. 7.2, 5. ledd.

Saksgrunnlag:

Søknad frå Kulå A/S v/Trygve Waldal om permanent utviding av skjenketid når det gjeld skjenking av alkoholhaldig drikk med inntil 22 volumprosent alkohol til kl. 02.00 på avgrensa areal ute.

Saksopplysningar:

Pr. i dag har Kulå A/S skjenkeløyve i tråd med bestemmingane i Alkoholpolitisk og førebyggande rusplan for Norddal kommune. Jf. planen sine retningsliner pkt. 7.2, 5. ledd skal skjenking på avgrensa areal ute vere avslutta kl. 24.00. Konsum av utskjenka alkoholhaldig drikk må opphøyre seinast 30 minutt etter skjenketida sitt utløp, altså kl.00.30 for skjenking ute.

Reglane som går fram av planen er heimla i alkohollova.

Frå søkjar si side vert det argumentert med at det er betre å kunne skjenke alkohol ute i kontrollerte formar i heile åpningstida, da det ofte vert nytt meir alkohol i ”buskane” etter kl. 00.30, når uteserveringa stenger. Det å ha ulik stengetid for inneskjenking og uteskjenking førar med seg meir rot og støy både for naboane og Kulå og kan også føre til meir uønska bråk. Iflg. søknaden vert dette synet også delt av politiet.

Saksvurdering og konklusjon:

Om søknaden vert imøtegått vil det bety at det ikkje vert teke omsyn til Alkoholpolitisk og førebyggande rusplan for Norddal kommune som er vedteke å gjelde fram til 2008.

Jf. alkohollova § 4 –4, 3. ledd kan skjenketida utvidast i einskilde høve.

Ein har forståing for argumenta til søkjar, men når det i einskilde høve vert søkt om utviding av skjenketida på avgrensa uteareal har det til d.d. ikkje vore noko problem med å få løyve til dette.

På bakgrunn av dette vert søknaden å avslå. Ein må kome attende til og drøfte om skjenketida ute skal utvidast ved revidering av Alkoholpolitisk plan for Norddal kommune i 2008.

Stig Holmstrøm

rådmann