NORDDAL KOMMUNE

Arkiv: C84 Saksmappe: 06/00497-5 Sakshandsamar: Aud Lindis Ødegaard Dato: 04.05.2007

Møtebok

Midlar til ekstra kyrkjeleg teneste i Norddal kommune

Saksnr. utval	Utval	Møtedato
061/07	Formannskapet	14.05.07

Utsendte saksdokument:

Brev frå Prosten i Austre Sunnmøre, datert 17.03.07

Ikkje utsendte saksdokument:

Protokoll frå bispevisitasen 7. – 11. februar

Rådmannen si innstilling:

1. Norddal kommune løyver 20.000 kr til å prøve ut ei ordning med ekstra kyrkjeleg teneste sommaren 2007 under føresetnad av fullfinansiering av prosjektet.

2. Midlane vert å ta frå konto 1100.1271.

Handsaming i Formannskapet 14.05.2007:

Samrøystes i samsvar med innstillinga.

Vedtak i Formannskapet - 14.05.2007:

1. Norddal kommune løyver 20.000 kr til å prøve ut ei ordning med ekstra kyrkjeleg teneste sommaren 2007 under føresetnad av fullfinansiering av prosjektet.
2. Midlane vert å ta frå konto 1100.1271.

Saksgrunnlag:

Under visitasen i Norddal kom det forslag om å prøve ut ei ekstra kyrkjeleg teneste om sommaren. Det er behov knytt til aust-europeiske sesongarbeidarar og turistar som aktualiserer ei slik teneste.

Saksopplysningar:

Prosten i Austre Sunnmøre oppfordrar i brev datert 17.03.07 kommunen til å bidra i eit spleiselag for å få dette til. Møre bispedøme antyder at dei kan stille med inntil 30.000 kroner, noko som syner at dette er eit viktig område å få prøvd ut. Bærdyrkarlaget og reiselivsnæringa blir også utfordra i brevet.

Bispekontoret vil også ta kontakt med den katolske biskopen i Trondheim for å finne ut om den katolske kyrkja kan stille ein viss personellressurs til disposisjon. Ekumeniske gudstenester er aktuelle å få i stand for å femne om fleire religionar.

Tidlegare har det vore to kveldssamlingar med mat i løpet av sommaren, og kyrkja er opa på dagtid.

Saksvurdering og konklusjon:

Det vart halde drøftingsmøte på rådhuset 4. mai. Her møtte Magne Eivind Glomnes frå kyrkja, Aksel Døving frå bærdyrkarlaget, Kristin Sandnes som arbeider med kartleggingsprosjekt knytt opp mot utanlandske gjestearbeidarar, næringssjef Toralv Klokkehaug og kultursjef Aud Lindis Ødegaard. Det var brei semje om at dette vil vere eit spennande område å få prøvd ut, og at det vil bety mykje for dei tilreisande som ofte har eit aktivt forhold til sin religion. Bærdyrkarlaget har diskutert saka og er positive. Det vart antyda at dei vil kunne stille med 10.000 kroner til prosjektet. Verdsarvrådet skal ikkje ha møte før i juni, og ein veit difor ikkje korleis dei stiller seg til dette. Destinasjon Geiranger/Trollstigen er svært positive til tiltaket, men har ikkje midlar å bidra med.

I tillegg til midlar trengst det ein stad å bu samt kontor. Kontor finn ein løysing på anten på rådhuset eller ein annan stad. Aksel informerte om at dei truleg kan tilby ein stad å bu. Soknerådet stiller kyrkja til rådvelde når det er behov for det. Dermed er dei praktiske sidene avklart.

Det synest fornuftig å prøve ut ein litt forenkla variant i år, både med omsyn til tidsperspektivet samt organiseringa som krevst for å få det til. Forslaget er difor å få til ei slik teneste i tidsrommet 15. juli til 15. august, og at ein fokuserer på dei utanlandske gjestearbeidarane. I tillegg til messe/gudsteneste kan det vere behov for samtale/sjelesorg og sosiale samankomstar.

Ein kjenner ikkje til at ei slik ordning er prøvd ut tidlegare, og i ei neste fase vil ein difor kanskje kunne søkje om eksterne midlar for å kunne tenkje litt større. Blir dette prosjektet vellukka kan det bli utvida til også å gjelde turistar.

Stig Holmstrøm

rådmann