Møtebok
Disp. frå plankravet - Hyttetomt på gnr. 54/1 - Hatlestad
|
Saksnr.
utval
|
Utval
|
Møtedato
|
|
030/07
|
Det faste utvalet for plansaker
|
14.05.07
|
Utsendte saksdokument:
Søknad dat. 28.03.07, eigar Berild Merethe Kaluseth
Kartutsnitt, M=1:1000, som syner hyttetomt
Ikkje utsendte
saksdokument:
Gjeldande kommuneplan, arealdelen
Arealbruksbestemmelsar til kommuneplan, arealdel
Søknad i brev dagsett 11.01.01 m/kartvedlegg
Rådmannen si innstilling:
I medhald av § 7 i Plan- og bygningslova vert det gjeve
dispensasjon frå plankravet i gjeldande kommuneplan, arealdelen, for å kunne
dele frå ei hyttetomt på Hatlestad, gnr. 54, bnr. 1, søknad dat. 28.03.07 og
kartutsnitt rev. 30.03.07 på følgjande vilkår:
Mot kommunevegen skal ikkje
tomten gå lengre ned enn at der er areal til felles avkøyrsle og internveg for
dei andre hyttetomtene.
-----------------------------------------------------
I medhald av § 7 i Plan- og bygningslova vert det gjeve
dispensasjon frå plankravet i gjeldande kommuneplan, arealdelen, for å kunne
dele frå ei hyttetomt på Hatlestad, gnr. 54, bnr. 1, søknad dat. 28.03.07 og
kartutsnitt rev. 30.03.07 på følgjande vilkår:
Mot kommunevegen skal ikkje
tomten gå lengre ned enn at der er areal til felles avkøyrsle og internveg for
dei andre hyttetomtene.
----------------------------------------------------------------------------
Saksgrunnlag:
I gjeldande kommuneplan, arealdelen, for perioden 2002-2013,
er det avsett eit område for fritidshus/hytte på gnr. 54, bnr. 1 på Hatlestad,
eigar Berild Merethe Klauseth.
Det ligg føre søknad dat. 28.03.07 frå eigar av gnr. 54/1
v/Karl-Petter Slinning, om dispensasjon frå kravet om reguleringsplan for å
kunne dele frå ei tomt i det planlagte hytteområdet på bruket; jfr. vedlegg.
Saksopplysningar:
Hytteområdet som er avsett i arealplanen under gnr. 54/1 på
Hatlestad er relativt lite (3-4 tomter).
Eigar er komen til at det i den næraste tid berre er aktuelt
med ein av desse hyttetomtene og søkjer om å kunne dele frå utan at det vert
teke arbeidet/kostnadane med å utarbeide reguleringsplan no.
Frå hovudregelen om at eit byggeområde skal vere regulert,
før deling og bygging, kan det gjerast unntak ved dispensasjon frå kravet om
reguleringsplan; dispensasjonen kan gjevast etter § 7 i PBL.
Kravet til å kunne gje dispensasjon er at det føreligg særlege grunnar.
Tidlegare har det vore praksis å kunne gje dispensasjon for
ei tomt i eit avsett område (inntil to tomter i eit større område), når tomten
ligg i utkanten og slik at den med visse ikkje kan skape vanskar for seinare
gjennomføring av reguleringsplan (vegframføring, bygningsplassering, evt. avløp
m.v.)
Det ligg ein gamal veg over hytteområdet
som må takast omsyn til som kulturminne, noko som gjer at tomtene i området
vert relativ store.
Saksvurdering og konklusjon:
Søknaden som ligg føre for å dele frå ei hyttetomt på om lag
1,5 daa. frå gnr. 54/1, kan ikkje handsamast som delingssak etter
PBL før det ligg føre reguleringsplan eller dispensasjon frå kravet om
regulering.
I denne saka gjeld det ein tomt heilt i ytterkanten (vest)
av hytteområdet. Denne tomten kan, slik vi ser det, ikkje skape vanskar for
seinare utarbeiding av reguleringsplan for området når ein tek inn ein
føresetnad om at det mot kommunevegen skal vere naudsynt areal for felles
avkøyrsle/veg.
Under noko tvil vel ein i denne saka å vere positiv i
tilrådinga om dispensasjon frå plankravet.
Praksis i liknande saker har vore at ein ser på dette som
ein særleg grunn, og at forholda for å kunne gje dispensasjon etter § 7 i PBL
såleis ligg føre i denne saka.
Når forholda til regulering er avklara kan søknaden
handsamast på vanleg måte etter § 93 i PBL.
