Rådmannen si innstilling:
Det faste utvalet for plansaker har til hensikt å gje
dispensasjon frå reguleringsplanen Norddal Sentrum, slik at gnr. 49/31 kan
oppføre tilbygg i 3 m breidde til eksisterande uthus nord for fylkesvegen i
samsvar med søknad dat. 20.02.06.
Særleg grunn for dispensasjon er at friområdet har vore
regulert i 26 år utan å vere aktuelt, og at eventuelle framtidige behov for
friområde kan gjerast ved å endre tilsvarande regulert industriområde.
-----------------------------------------------------
Handsaming i Det faste utvalet for plansaker 08.05.06:
Vedtak samrøystes i
samsvar med innstillinga.
--------------------------------Dette er slutten på
behandlingsteksten (denne teksten skrives ikke
ut)------------------------------------------------
Det faste utvalet for plansaker har til hensikt å gje
dispensasjon frå reguleringsplanen Norddal Sentrum, slik at gnr. 49/31 kan
oppføre tilbygg i 3 m breidde til eksisterande uthus nord for fylkesvegen i
samsvar med søknad dat. 20.02.06.
Særleg grunn for dispensasjon er at friområdet har vore
regulert i 26 år utan å vere aktuelt, og at eventuelle framtidige behov for
friområde kan gjerast ved å endre tilsvarande regulert industriområde.
----------------------------------------------------------------------------
Saksgrunnlag:
Søknaden frå Jorunn Yttredal v/Jan Kåre Eide er dagsett
20.02.06 og gjeld eit tilbygg i 3 m breidde til garasje/lager for gnr. 49/31 på
vestsida av eksisterande uthus (tidlegare fjøs) på nordsida av fylkesvegen.
Søkjar ser ikkje andre aktuelle plasseringar for garasje på
eigedomen.
Gjeldande reguleringsplan for Norddal Sentrum vedteken i
1980 har det aktuelle arealet for tilbygg avsett til friområde, og såleis må
saka planavklarst før byggemelding kan handsamast.
Saksopplysningar:
Det regulerte friområdet i Norddal Sentrum nord for
fylkesvegen er knapt 20 m lang og 5 m breitt og var avsett for å kunne plassere
informasjonstavle, rastebord og liknande. Det står eit gamalt morellbærtre på
den vestlege delen av området. Om lag 5 m (aust) av lengda på området ligg
under gnr. 49/31. Det føreligg ikkje merknader frå naboane i saka.
Kommunen har ikkje registrert ynskjer om å plassere noko på
det regulerte friområdet sidan planen var vedtek for vel 26 år sidan.
Saksvurdering og konklusjon:
At det i løpet av alle desse året ikkje har vorte aktuelt å
nytte aktivt det aktuelle friområdet, må ein tolke som at det ikkje er stort
behov for det. Straks vest for friområdet er regulert avkøyrsla til det
regulerte industriområdet, men denne avkøyrsla har ikkje vorte
opparbeidd/avgrensa.
Dersom det vart gjeve løyve til å bygge på 3 m av den
austlege delen av friområdet, kan eventuelt seinare behov for friområde i
Norddal Sentrum dekkast ved å endre form eventuelt trekke det litt mot vest.
Etter ei samla vurdering av plansituasjonen i Norddal
Sentrum og søknaden om å bygge eit tilbygg for garasje/uthus til eksisterande
uthus på gnr. 49/31, finn ein å kunne rå til at det kan gjeve dispensasjon frå
reguleringsplanen i denne saka.
Sjølve byggesaka må handsamast på vanleg måte etter Plan- og
bygningslova.
