Møtebok
Klage - Deling av
grunneigedom gnr 11, bnr 4 - Nils
og Nelly Gjerde
|
Saksnr.
utval
|
Utval
|
Møtedato
|
|
028/07
|
Det faste utvalet for plansaker
|
14.05.07
|
|
|
Formannskapet
|
|
Utsendte saksdokument:
Klage dat. 07.04.07 frå Nelly og Nils Gjerde
Ikkje utsendte
saksdokument:
Sak 021/07 i Det faste utvalet for plansaker
Søknad frå Nelly og Nils Gjerde, dagsett 20.11.06
Kartutsnitt, M=1:2000
Gjenpart av nabovarsel (20.11.06)
Gjeldande kommuneplan, arealdelen
Notat frå næringssjef Klokkehaug av 16.01.07
Rådmannen si innstilling:
Det faste utvalet for plansaker har vurdert innkomen klage
frå Nelly og Nils Gjerde dagsett 07.04.07 på vedtaket i sak 021/07 og finn å ta
klaga til følgje.
Det faste utvalet for plansaker har såleis til hensikt å gi
dispensasjon frå arealdelen av kommuneplanen for at tomt til nytt bustadhus på
gnr. 11 bnr. 4 på Gjerde i Valldal kan delast frå i samsvar med søknad dagsett
20.11.06.
Saka blir oversendt til formannskapet som rette organ.
Saksgrunnlag:
På møte den 13.03.07 i Det faste utvalet for plansaker vart
det gjort slikt vedtak i sak 021/07:
Det faste utvalet for plansaker vil gå i mot å gje dispensasjon frå
arealdelen av kommuneplanen for tomt til bustadhus på gnr. 11, bnr. 4 på Gjerde
i Valldal, slik det er bede om i søknad datert 21.11.06. Bakgrunnen for
avslaget er tomta si plassering, i nær tilknyting til tunområdet.
Det ligg føre klage på vedtaket i sak 021/07 frå Nelly og
Nils Gjerde; klage dagsett 07.04.07; jfr. vedlegg.
Klagen er komen inn i rett tid etter reglane i
Forvaltningslova.
Saksopplysningar:
Klage dat.07.04.07 frå Nelly og Nils Gjerde.
Klagarane meiner at argumentet om at tomta er plassert i nær
tilknytning til tunområdet ikkje er rett.
Det vert vist til at tomten ligg i utkanten av deira eigedom
og grensar til nabobruket (gnr. 11,
bnr. 5,6).
Vidare vert det opplyst at det er son
deira som vil bygge seg bustadhus på tomta. Han vil slå seg ned i bygda, har
fast arbeid og vil skape seg ei framtid her.
Avslaget i sak 021/07 oppfattar klagarane
som ulikebehandling, og hevdar at det er fleire tomter som har fått
frådelingsløyve i liknande situasjonar.
Saksvurdering og konklusjon:
Klaga av 07.04.07 er klar i sitt innhald og ein finn ikkje
grunn til å kommentere den spesielt.
I høve til vårt økonomisk kartverk for Gjerde ligg tomten
som er søkt delt frå mot grenselina til nabobruket, og såleis ligg den i det
ein må kunne kalle utkanten av eigedomen til Nelly og Nils Gjerde, gnr. 11,
bnr. 4.
Det vert klart ei viss nærheit mellom det eksisterande
våningshuset på gnr. 11/4 og eit evt. nytt hus på den planlagte tomten (om lag
100 m), og tomten er meint å grense mot nabobruket.
Administrasjonen ser på denne saka som eit godt døme på ei
tomt som ligg innafor det som er vedteke for spreidd busetnad på LNF-område i
gjeldande kommuneplan, arealdelen.
På dette grunnlag finn ein etter ei samla vurdering i saka å
tilrå at klaga av 07.04.07 frå Nelly og Nils Gjerde vert å ta til følgje og rår
til at det kan gjevast dispensasjon i dette høve.
Alternativt kan Det faste utvalet for plansaker sende saka
over til Formannskapet for handsaming og vedtak med heimel i Jordlova og vidare
saksgang etter dei gjeldande reglane.
