NORDDAL KOMMUNE

Arkiv: 082

Saksmappe: 06/00360-1

Sakshandsamar: Einar Hoel

Møtebok

Endring i reglement for godtgjersle til folkevalde

Saksnr. utval	Utval	Møtedato
050/06	Formannskapet	08.05.06
028/06	Kommunestyret	11.05.06

Utsendte saksdokument:

Vedlegg: Forslag til endra reglement for godtgjersle til folkevalde

Ikkje utsendte saksdokument:

Handsaming i Formannskapet 08.05.06:

Signe Brenna, Nl kom med slike endringsforslag:

Pkt. 2.0: Varaordføraren si godtgjersle vert sett til 10% av ordføraren si godtgjersle i tillegg til møtegodtgjersle.

Pkt. 4.0: I siste setning skal ordet ”skal” erstattast med ”kan”.

Håkon Myklebust, Sp kom med slikt endringsforslag:

Pkt. 2.0: Varaordføraren si godtgjersle vert sett til 6% av ordføraren si godtgjersle i tillegg til møtegodtgjersle.

Prøverøysting:

4 røysta for innstillinga

1 røysta for Brenna sitt forslag

3 røysta for Myklebust sitt forslag

Endeleg avrøysting med høve til å røyste subsidiært:

Pkt. 2.0:

4 røysta for innstillinga

1 røysta for Brenna sitt forslag

3 røysta for Myklebust sitt forslag

Pkt. 4.0:

Samrøystes i samsvar med Brenna sitt forslag.

Handsaming i Kommunestyret 11.05.06:

Feil i innstillinga pkt. 4.0: … ordet ”kan” skal erstattast med ”skal”.

Signe Brenna, Nl kom med forslag om slik endring i pkt. 2.0:

Varaordføraren si godtgjersle vert sett til 6% av ordføraren si godtgjersle i tillegg til

møtegodtgjersle.

Viktor Valdal, Al kom med slike endringsforslag:

Pkt. 5.2:

Tapt arbeidsinntekt gjeld i tidsrommet kl. 08.00-16.00 frå om med måndag til og med fredag (gjeld for ulegitimert tap).

Pkt. 6.0:

Nytt avsnitt: Næringsdrivande får dekka dokumenterte ekstrakostnader ved innleige av vikar (t.d jordbruksavløysar) p.g.a møteaktivitet etter kl. 16.00 frå og med måndag til og med fredag (med inntil kr. 500,- pr. møte).

Merete Løvoll Rønneberg, Sp kom med slike endringsforslag:

Pkt. Møte:

Etter fyrste avsnitt vert det tilføydd: ”Likeins definerer ein òg inn møte i interkommunale organ der Norddal kommune har nemnt opp sine representantar”.

Pkt. 3.1: Formannskapet

Medlemar i utvalet, utanom ordførar og varaordførar, skal ha ei fast godtgjersle, i tillegg til møtegodtgjersle.

Pkt. 3.2: Leiar av Driftsutvalet:

Leiar av Driftsutvalet får ei godtgjersle på 2 % av ordførar si godtgjersle, og nestleiar får ei godtgjersle på 1% av ordførar si godtgjersle, i tillegg til møtegodtgjersle.

Pkt. 7.0: Reiseutgifter:

- stryke ordet ”reising” i fyrste linje.

- I siste linje:

”Lengre reiser skal på førehand klargjerast med formannskapet”.

Røysting:

Det vart røysta over Signe Brenna sitt endringsforslag i pkt. 2.0:

18 røysta for forslaget

2 røysta i mot

Det vart røysta over Viktor Valdal sitt endringsforslag i pkt. 5.2:

Prøverøysting:

9 røysta for forslaget

11 røysta i mot

Endeleg avrøysting:

9 røysta for forslaget som fall

11 røysta i mot

Viktor Valdal trakk sitt endringsforslag i pkt. 6.0.

Det vart røysta over Merete Løvoll Rønneberg sine endringsforslag i punkta ”Møte”, 3.1, 3.2, 7.0:

Samrøystes i samsvar med forslaga.

Røysting:

Samrøystes i samsvar med innstillinga og dei det endringane som vart vedtatt i møtet.

Saksopplysningar:

Gjeldande reglement vart vedteke i Ksak 100/03. Det har vist seg å vere behov for å gjere nokre endringar og tilpassingar i reglementet.

Saksvurdering og konklusjon:

Det er ikkje lagt opp til endringar i satsar for fast godtgjersle og møtegodtgjersle til folkevalde. Godtgjersle til forliksrådet er teke ut, då dette ikkje lenger er kommunalt.

Det er ei presisering av kva som ikkje gjev grunnlag for utbetaling av møtegodtgjersle.

I forslaget er teke inn eige punkt om godtgjersle til tidsavgrensa komitear og arbeidsgrupper. Folkevalde medlemmar kan få møtegodtgjersle i slike, men dette må fastsettast når vedtak om oppretting av komite/gruppe.

Det vert gjort endringar i reglane om tapt arbeidsinntekt. Dette vert knytta opp mot lønn til kommunalt tilsette etter Hovudtariffavtalen (HTA). Ulegitimert tap utbetalt etter lønn til fagarbeidar, utgjer f.t. kr 146,- pr time. Legitimert tap utbetalt inntil lønn til høgskuleutdanna , utgjer f.t. inntil kr 168,- pr time.

Det vert også lagt opp til kompensasjon til kommunale verksemder med store vikarutgifter grunna tilsette med kommunale verv. Kompensasjon vert rekna ut frå HTA med lønn til høgskuleutdanna tillagt 40 % sosiale kostnader og utgjer f.t. kr 210 pr time. Slik kompensasjon vil medføre meirutgift i rekneskapen for ansvar 1100; Kommunestyre og formannskap

Stig Holmstrøm
rådmann