NORDDAL KOMMUNE

Arkiv: 151 &14

Saksmappe: 06/00224-2

Nils Tormod Døving

Dato: 21.04.2006

Møtebok

Økonomirapport 1. kvartal 2006. Budsjettendringar.

Saksnr. utval	Utval	Møtedato
030/06	Driftsutvalet	02.05.06
047/06	Formannskapet	08.05.06
025/06	Kommunestyret	11.05.06

Utsendte saksdokument:

Årsbudsjett 2006 med framlegg til endringar, drift og kapital

Prognose rammetilskot og skattar 2006 - 2009

Ikkje utsendte saksdokument:

Kommunestyresakene 71/05, 05/06, 15/06

Handsaming i Kommunestyret 11.05.06:

Signe Brenna, Nl kom med forslag om at saka vart utsett til juni-møtet for å sjå samanhengen med økonomiplanen.

Det vart røysta over utsettingsforslaget:

6 røysta for Brenna sitt utsettingsforslag

15 røysta i mot

Viktor Valdal, Al kom med forslag om eit slikt nytt pkt. 2::

Endring i kapitalbudsjettet:

Sentrumsområde Muribugen og Tafjordbadet kr. 250.000,-

Gatelys kr. 150.000,-

Finansiert med auka låneopptak.

Signe Brenna, Nl kom med slikt forslag:

Kommunestyret ber om at opprusting av vegen Rønneberg-Kilsti blir vurdert i sak om øk.plan i juni.

Sp ba om gruppemøte.

Signe Brenna trakk sitt forslag.

Røysting:

1. Samrøystes i samsvar med innstillinga.

2. 11 røysta for Valdal sitt tilleggsforslag

10 røysta i mot

Vedtak i Kommunestyret - 11.05.06:

1. Kommunestyret vedtek endringar i drifts- og kapitalbudsjett slik det går fram av vedlegga a og b.

Norddal kommune tek i år 2006 opp ytterlegare eit lån på 11 450 000 kr til finansiering av planlagte investeringar. Lånet blir nedbetalt som serielån over 20 år.

2. Endring i kapitalbudsjettet:

Sentrumsområde Muribugen og Tafjordbadet kr. 250.000,-

Gatelys kr. 150.000,-

Finansiert med auka låneopptak.

Saksgrunnlag:

Kommunestyret har vedteke at årsbudsjetta skal rapporterast og evt. reviderast kvart kvartal. Vidare skal også økonomiplanen behandlast på nytt viss det har oppstått vesentlege endringar i økonomiplanføresetnadene.

Saksopplysningar:

Det har vore lagt størst vekt på å fange opp vedtak som verkar inn på års- og langtidsøkonomien. Vidare har ein også korrigert årsbudsjetta i samband med nye føresetnader. Bak dei endra rammene ligg såleis vurderingar på artsnivå. Det vil føre alt for langt å kommentere på dette nivået, slik at her blir det teke med desse hovudopplysningane i driftsbudsjetta:

-Sentrale styringsorg, fellesutg er auka med 200 000 til konsulentføremålsom inntil vidare blir utgiftsført her.

-Skule,barneh.kultur,bibl.,kyrkja er korrigert for vedtak og kjente inntektsendringar.

-Helse, sosial og omsorg er korrigert for kjente utgifts- og inntektsendringar

-Næring,naturforvaltning. Bruk av Næringsfondet er auka med 100 000 til delvis finansiering av konsulenttenester.

-Skattar og rammetilskot m.m. Inntekt ved skatt på inntekt og formue er redusert med 400 000.

-Renter, avdrag m m. Rente- og avdragsutgifter på lån er auka med 505 000. Inntekt på aksje- og andelsutbyte er auka med 700 000.

-Generelt er utgiftene til elektrisk energi auka med rs 350 000 kr.

Ønskjer ein innsyn i endringane på artsnivå, er denne oppstillinga tilgjengeleg.

Av hovudopplysningar i kapitalbudsjettet blir desse nemnt:

-Taloppstillinga er komplett i høve vedtaka gjort i sakene 71/05, 05/06 og 15/06.

-Det er gjort endringar i framdrifta av Åsevegen med tilhøyrande leidningsnett.

-Utbetringstiltak av kommunale utleigebustader (særleg Roa) er fullfinansierte.

-Fylkesveg 092 er teke inn i samsvar med vedtak i samferdsleutvalet.

-Vidare er det kome til eit eigenkapitalkrav frå KLP, som blir finansiert ved overføring frå ordinære inntekter.

Nye vedtak saman med øvrige endringsbehov, aukar lånebehovet i 2006 frå opprinneleg vedtak på 12,2 mill til 23,65 mill kr. Av dette reknar ein med at ca 12 mill vil bli omsett i 2006.

Økonomiplanen 2006-2009 er ikkje revidert. Rådmannen vil ikkje rå til at dette blir gjort før kunnskapane knytt til området er auka, ma gjennom revidert nasjonalbudsjett. Eit framlegg til revisjon som gir gode nok retningsliner, kan liggje føre i juni.

Saksvurdering og konklusjon:

Kommuneøkonomien er god grunna ei tett oppfølgjande økonomistyring over fleire år. Dei ulike vedtak og endringar i føresetnader let seg derfor gjennomføre.

Rådmannen viser likevel til siste prognose for rammetilskot og skatteinntekter som syner 1,7 mill lågare enn opphaveleg budsjettert. Rådmannen ser likevel ikkje nokon grunn til å korrigere med meir enn 0,4 mill no.

Stig Holmstrøm
rådmann