NORDDAL KOMMUNE

 

Arkiv:                    K40

Saksmappe:          07/00337-2

Sakshandsamar:   Inge Lilleås

Dato:                      17.04.2007

 

Møtebok

                                  

 

 

Søknad om midlar frå Viltfondet  

 

Saksnr. utval

Utval

Møtedato

013/07

Viltnemnda

24.04.07

 

Utsendte saksdokument:

Søknad m/vedlegg

 

 

Ikkje utsendte saksdokument:

 

 

 

Rådmannen si innstilling:

Med heimel i retningsliner for kommunalt viltfond gjer Norddal viltnemnd slikt vedtak.

For utlegg til kursutgifter og kjøp av prosjektor får  Valldal jeger og fiskeforeining

Stønad frå det kommunale viltfond med kr. 20000,00.

Desse kr. 20000,00 vart å ta frå det kommunale viltfondet.

 

 

 

Handsaming i Viltnemnda  24.04.2007:

Samrøystes i samsvar med innstillinga.

 

 

 

Vedtak i  Viltnemnda - 24.04.2007:

Med heimel i retningsliner for kommunalt viltfond gjer Norddal viltnemnd slikt vedtak.

For utlegg til kursutgifter og kjøp av prosjektor får  Valldal jeger og fiskeforeining

Stønad frå det kommunale viltfond med kr. 20000,00.

Desse kr. 20000,00 vart å ta frå det kommunale viltfondet.

 

 

 

 

SAKSGRUNNLAG.

Søknad frå Valldal jeger og fiskeforeining m/vedlegg datert 30.03.07.

 

SAKSOPPLYSNING.

Det vert søkt om kr.20000,00 i støtte til oppdateringskurs for to tidlegare instruktørar og for to nye instruktørar for jegeropplæring i kommunen og ein prosjektor.

 

Valldal jeger og fiskeforeining har i alle år hatt arbeidet med opplæring av føærstegongsjegerar.

 

Krav til jegerprøve vart innført frå og med 1986, kor mange som tok eksamen i 1986 og 1987 kjenner ein ikkje til, då det ikkje finns arkivmateriale på det.

I tidsbolken 1988 til og med 2006 har det gjennom denne opplæringa og den kommunalt administrerte eksamen vore autorisert 250 jegerar. 44 kvinner og 206 menn.

 

Mellom desse 250 personane finn ein og mange som hører til i andre kommunar, men som har teke kurs og eksamen her.

 

I retningslinene for viltfondet står det m.a. slik i kva fondet kan brukast til:

·        Tiltak som aukar kunnskapen om viltet hjå grunneigarar, jegerar, allmenta.

·        Kursdeltaking og kompetansegjevande etterutdanning innan viltforvaltning for administrasjon og politikarar.

·        Tiltak og utstyr som kan utvikle og forbetre den kommunale viltforvaltninga.

 

SAKSVURDERING.

Valldal jeger og fiskeforeining har i alle desse åra frå jegerprøve vart obligatorisk lagt ned eit stort og godt arbeid i teoretiske og praktiske kurs.

Strykprosenten i den teoretiske eksamen har vore liten, det tyder på ein har motiverte læreviljuge kandidatar og ikkje minst dyktige instruktørar.

Ein har heller ingen ting å utsette på samarbeidet mellom kommunen og jeger og fiskeforeininga.

 

Når det gjeld søknaden om midlar, er den til kursaktivitet grei, ein er litt meir usikker på tilskot til prosjektor.  Ein vil likevel gå inn for at tilskot vert gjeve og til denne, sjølv om ein då tolkar retningslinene for viltfondet særs romsleg.

 

 

 

 

 

 

Stig Holmstrøm

 

rådmann