Møtebok
Klage - Dispensasjon frå
bygge- og deleforbod på Murigrandane
|
Saksnr.
utval
|
Utval
|
Møtedato
|
|
026/07
|
Det faste utvalet for plansaker
|
23.04.07
|
Utsendte saksdokument:
Klage dagsett 13.04.07 frå Valldal Auto-Maskin
Ikkje utsendte
saksdokument:
Notat dat.14.03.07 frå rådmannen vedk. mindretalsanke i sak
019/07
Sak 019/07, møte 13.03.07, Det faste utvalet for plansaker
Søknad frå Valldal Auto-Maskin dat. 16.02.07
Kart som syner påtenkt utviding av bensinstasjonsbutikk
m/lager
Kvittering for nabovarsel
Teikningar av tilbygget
Sak 26/06, møte 24.04.06, vedtak om bygge- og deleforbod på
Murigrandane
Rådmannen si innstilling:
Det faste utvalet for plansaker har vurdert klaga dat.
13.04.07 frå Valldal Auto-Maskin på vedtaket i sak 019/07 om dispensasjon frå
bygge- og deleforbodet på Murigrandane, men finn ikkje å imøtekome klaga.
-----------------------------------------------------
Handsaming i Det faste utvalet for plansaker 23.04.07:
Forslag frå Signe Brenna:
1.
Valldal Auto-Maskin får dispensasjon frå bygge- og
deleforbodet på Murigrandane til opprusting og tilbygg.
2.
Kommunen set krav til estetisk utforming, og løyver opp til kr
30.000,- for at bygget skal passe inn i visjon ”Muriparken”.
3.
Tilskotet til arbeidet vert å ta frå disposisjonsfond.
Røysting:
4 røysta for innstillinga
3 røysta for forslaget frå Signe Brenna
--------------------------------Dette er slutten på
behandlingsteksten (denne teksten skrives ikke
ut)------------------------------------------------
Det faste utvalet for plansaker har vurdert klaga dat.
13.04.07 frå Valldal Auto-Maskin på vedtaket i sak 019/07 om dispensasjon frå
bygge- og deleforbodet på Murigrandane, men finn ikkje å imøtekome klaga.
----------------------------------------------------------------------------
Saksgrunnlag:
I møte den 13.03.07 gjorde Det faste utvalet for plansaker
slikt fleirtalsvedtak i sak 019/07:
Det faste utvalet for plansaker har vurdert søknaden
frå Valldal Auto-Maskin av 16.02.07 om dispensasjon frå bygge- og deleforbodet
på Murigrandane, men finn ikkje på noverande tidspunkt å kunne gje
dispensasjon.
Det ligg føre klage på utvalet sitt vedtak
i sak 019/07; jfr. vedlagte klage frå Valldal Auto-Maskin datert 13.04.07.
Saksopplysningar:
Klage dat. 13.04.07 frå Valldal Auto-Maskin.
I klaga vert det vist til arbeidet med reguleringsplan for
Murigrandane samt det bygge- og deleforbodet som gjeld for området.
Det vert framheva at bedrifta saknar involvering i høve det
pågåande reguleringsarbeidet for Murigrandane.
Det vert vist til at i nabokommune tek dei folkevalde ansvar
for lokal utvikling og sørgjer for at eksisterande bedrifter kan leve vidare og
fornye seg, til tross for faren frå Åknes/Hegguraksla.
Klagen frå Valldal Auto-Maskin er komen
inn i rett tid i høve reglane etter Forvaltningslova.
Saksvurdering og konklusjon:
Det konkrete forslag til utbygging av eksisterande
bensinstasjons- og verkstadbygning på gnr. 4/61, som ligg til grunn i saka (sak
019/07) ser ein på som eit konkret innspel i pågåande reguleringsprosess for
området, og føreset at dette vert teke inn i denne.
Reguleringsplanarbeidet for Murigrandane kan ein sjå føre
seg vil strekke seg ut enno noko i tid.
Det tidlegast det er forventa vedtak i reguleringsplanen er
i løpet av første halvår 2007.
Beredskap i høve flodbølgja (Åknes/Hegguraksla) er som kjent
ein nøkkelfaktor i høve gjennomføring av plan/tiltak på området.
Klaga slik den ligg føre talar sitt klare språk og ein finn
ikkje grunn til å kommentere den spesielt.
Utifrå ei samla vurdering på dei moment som ligg føre i
saka, finn ein vanskar med å innstille på at ein kan ta klaga dat.13.04.07 frå
Valldal Auto-Maskin til følgje slik det vert gjeve dispensasjon frå det
vedtekne bygge- og deleforbod på Murigrandane.
Dersom utvalet vel å halde på sitt vedtak i sak 019/07 vert
saka på vanleg måte å oversende Fylkesmannen i Møre og Romsdal for avgjer.
