NORDDAL KOMMUNE

Arkiv: NF-Hag

Saksmappe: 05/00048-6

Dato: 19.04.2006

Møtebok

Søknad om støtte til marknadsføringstiltak - Limousine West.no

Saksnr. utval	Utval	Møtedato
041/06	Formannskapet	24.04.06

Utsendte saksdokument:

Kopi av søknaden

Handsaming i Formannskapet 24.04.06:

Magne Almstad, Frp kom med forslag om å avslå søknaden.

Røysting:

2 røysta for Magne Almstad sitt forslag

4 røysta for innstillinga.

Saksgrunnlag:

Næringsfondsakene vert lagt fram som individuelle saker, men med ei orienteringssak som skal bidra til å skape oversikt over innkomne søknader og lette prioriteringa.

Saksopplysningar:

Namn på bedrifta: Limousine West.no

Eigar: Hallgeir Greger

Etablert: 12.03.2005 som eit enkeltpersonsforetak.

Bransje: Limousine transport i nærområdet/regionen.

Tilsette: Eigar arbeidar sjølv i bedrifta

Tidlegare tildelingar: Ingen tildelingar tidlegare. Søkte i 2005 om støtte til bil nr 2, men fekk avslag.

Søkt om: Støtte til diverse marknadsføringstiltakt, kompetansehevande tiltak og enkelte små investeringar. Totale kostnader er kr 70.700, og han søkjar om støtte til tilsvarande beløp.

Saksvurdering og konklusjon:

Søkjar har fortald mykje om sin første sesong som var i 2005. Han meiner han har eit stort potensiale i både den lokale og den regionale marknaden, dersom han får marknadsført seg.

Kommunen ynskjer at nyetablerarar skal kjenne seg velkommen i kommunen, uavhengig om dei er innflyttarar, tilbakeflyttarar eller busett i kommunen. Rådmannen meiner at ein bør støtte nyoppstarta bedrifter når det dei søkjer om er innanfor rammene til næringsfondet. Rådmannen ynskjer å støtte bedrifta i ein etablerarfase, for å bidra til å byggje opp dette tilbodet, og innstiller på eit tilskot på kr 20.000 som skal gå til ulike marknadsføringstiltak.

Stig Holmstrøm
rådmann