|
|
NORDDAL KOMMUNE |
Arkiv: NF-SMO
Saksmappe: 05/00387-7
Sakshandsamar: Torill Monstad Dato: 19.04.2006 |
Søknad om støtte frå
næringsfondet - Moland Kompetanse og Rådgivning
|
Utval |
Møtedato |
|
|
Formannskapet |
24.04.06 |
Utsendte saksdokument:
Kopi av søknaden
Moland Kompetanse og Rådgivning får tilskot på kr 15.000, til å dekkje inntil 75 % av kursavgift og marknadsføring jamfør budsjettet i søknaden.
Moland Kompetanse og Rådgivning får tilskot på kr 15.000, til å dekkje inntil 75 % av kursavgift og marknadsføring jamfør budsjettet i søknaden.
Næringsfondsakene vert lagt fram som individuelle saker, men med ei orienteringssak som skal bidra til å skape oversikt over innkomne søknader og lette prioriteringa.
Namn på bedrifta: Moland Kompetanse og Rådgivning
Eigar: Svein Ruset Moland
Etablert: Bedrifta vart registrert 13.03.2003 som eit enkeltpersonsforetak.
Bransje: Bedrifta har utvikla eit konsept som kallast Dynamisk sikring, der han har utvikla 3 kursmodular. Dynamisk sikring er eit konsept innan sikring og skadebegrensing for ansatte i ulike risikoyrke.
Tilsette: Eigar jobbar sjølv i bedrifta.
Tidlegare tildelingar: Fekk kr 45.000 i tilskot i 2005 til etablerarstøtte knytt til kompetanseheving, marknadsføring, nettverksbygging og produktutvikling. Desse midlane er utbetalt på basis av den aktiviteten han hadde i 2005.
Søkt om: Kr 217.700 til ulike tiltak:
Å vidareutvikle konseptet Dynamisk sikring med ein 4. modul knytt internkontrollsystem innan HMS.
Å få autorisasjon innan konseptet LØFT (løysingsfokusert tilnærming).
Kompetansehevande tiltak knytt til datahåndtering for å betre serve sine kundar med leveranse av ulike produkt.
Å oppgradere heimesida.
Det er utvilsamt eit svært spanande firma og konsept MKR utviklar og tilbyr. Og det er særleg spanande og bra at han vel å halde til her i kommunen.
Metoden LØFT som han skisserer som aktuell for sitt firma, er ein svært populær metode som mange har kjennskap til etter kvart. Det er mange som tilbyr og nyttar dette LØFT verktøyet, om enn i litt ulik form. Reteaming og dubbelstjernan er ei vidareutvikling av LØFT, som eit verktøy for å utvikle grupper/organisasjonar og arbeidsmiljø. Dei offisielle nettsidene viser at det kun er ein person i Noreg som er registrert som coach innan reteaming og dubbelstjernan. På sine nettsider seier Moland at han allereie nyttar LØFT metoden. Her i Møre og Romsdal tilbyr firmaet Aura Consulting LØFT verktøyet, og reklamerar på sine nettsider med å vere den einaste tilbydaren av LØFT her i fylket.
Rådmannen meiner det er nøyaktig slike kunnskapsbedrifter som Norddal kommune må bidra til å leggje til rette for her i vårt område. Spørsmålet er om det bedrifta søkjer støtte til er ei naturleg utvikling for denne bedrifta, og om ei eventuelle støtte vert meir ei driftsstøtte enn knytt til prioriteringsområda omstilling, nyskaping og ekspansjon. I 2005 fekk han støtte til nettsida si, og no søkjer han om støtte til å oppgradere denne. Søkjar får ikkje støtte til arbeidet med nettsida. Rådmannen ynskjer å gje støtte frå næringsfondet, knytt til dekking av kursavgift og marknadsføring jamfør budsjettet i søknaden.
|
Stig Holmstrøm |
|
|
rådmann |
|
|
|
|
|
|
|
