Første behandling av næringsfondsaker 2006

Saksgrunnlag:

Jamfør vedtak i kommunestyret 10.03.04, sak 15/04 om retningslinjer for næringsfondet, skal søknader til næringsfondet sakshandsamast kvartalsvis av formannskapet som er fondsstyre. Søknadsfristen skal annonserast, og for første kvartal 2006 var denne 14. mars. Pr. første halvår skal ein i regelen nytte om lag halvparten av disponibel kapital.

Sakene vert lagt fram som individuelle saker, men med denne orienteringssaka som skal bidra til å skape oversikt over innkomne søknader og lette prioriteringa.

Saksopplysningar:

For 2006 er det sett av totalt kr 1.794.638 i budsjettet for næringsfondet til fordeling til næringslivet i kommunen.

I tillegg trekkjer administrasjonen tilbake kr 400.000 til Gallerie Tafjord frå eit vedtak gjort i kommunestyret 03.07.03. I vedtaket går det fram at dei kr 400.000 er ein del av kommunen sin eigenkapital i prosjektet, og skal verte skaffa til veie ved at Norddal Elverk betalar attende eit ansvarleg lån. Fram til midlane vert tilgjengeleg frå Elverket, skal ein om naudsynt nytte næringsfondsmidlar til forskottering. Norddal Elverk betalte kommunen kr 400.000 den 26.08.03, og det er ikkje naudsynt at desse midlane lenger står oppført i næringsfondet.

Kr 400.000 vert difor trekt tilbake og går inn i potten for 2006.

Potten så langt vert på kr 2.194.638.

Av næringsfondet for 2006 er det allereie bevilga:

I vedtak i kommunestyret 31.03.05 fekk Eidsdal Næringsutvikling til saman kr 400.000 fordelt over tre år. For 2005 vart kr 140.000 bevilga og utbetalt. For 2006 har ein utbetalt kr 220.000, med ein rest på kr 40.000 til utbetaling i 2007.

I vedtak i kommunestyret 31.03.05 fekk Norddal Hamn kr 160.000 frå næringsfondet, samt kr 190.000 frå første halvår i 2006.

Prosjekt Fjordturar v/Vidar Hareide fekk i formannskapet 19.12.05. tilsegn om kr. 200.000,- i 2005 og kr. 100.000,- i 2006 og 2007, til saman kr 400.000.

I eit vedtak i kommunestyret 24.11.05 bevilga ein eit garantikrav frå MRF/Fjord 1 på

kr 220.000 i 2006 for å dekkje eit eventuelt underskot på ferja sommaren 2006.

Kommunestyret i møte 18.11.04 vedtok å følgje opp Forprosjekt Ungdom på ein periode på inntil 3 år, og prosjektet skal vere eit spleiselag mellom blant anna kommunen, næringslivet, fylket og Innovasjon Noreg. For 2005 vart det bevilga kr 264.000 av næringsfondet til prosjektet. Det har ikkje vorte bevilga eller gitt indikasjonar på konkrete summar for 2006. Ein går ut frå at ein tilsvarande sum vil vere aktuell i 2006 òg.

I tillegg har ein bunde seg opp med kommunale midlar til pilotprosjektet ”Kommunane som førstelinje for småskala næringsutvikling,” også kalla Kommuneprosjektet. For 2005 bevilga ein kr 15.000 som vart tatt frå næringsfondet, og ein tilsvarande sum har ein bunde seg til for 2006, jamfør vedtak i formannskapet 06.12.04 og notat til formannskapet, datert 17.01.05, om koordinering av pilotprosjektet og ungdomsprosjektet.

Tilsaman vert dette kr 2.194.638 – 1.009.000 = totalt kr 1.185.638 til fordeling i 2006.

Delt på fire søknadsomgongar er det ca kr 296.000 til disposisjon for dette kvartalet.

Oversikt over innkomne søknader første kvartal 2006:

Nr	Søkjar	Tiltak	Søknadssum	Totalkostnad
1	Norway Productions	Investeringar, og marknadsføring ved etablering av ny bedrift	25 000	25 000
2	Båthamn Camping Tafjord	Vidare investeringar og marknadsføring av campingplassen	69 000	69 000
3	Moland Kompetanse og Rådgivning	Vidareutvikle bedrifta	217 000	217 000
4	Geir Arne Myren	Investeringstilskot og tilskot til opplæring og vidareutdanning	259 850	319 700
5	Valldal Naturopplevingar og Steep DA	Investering i kajakkar m/utstyr til utleige og guida turar	159 685	159 685
6	Øvre Valldal Utvikling BA	Diverse investeringar, marknadsføring og planleggingsarbeid	80 000	360 000
7	Valldal Bilsenter AS	Utstyr til å reparere A/C anlegg samt investering i lakkboks	41 629	121 598
8	Valldal Høvleri AS	Bygging av nytt lagerbygg	166 200	664 798
9	Norsk Bærindustri AS	Midlar til oppussing av lokaler	52 000	105 000
10	The Happy End – Norddal	Vidareutvikling av næringsorganisasjonen knytt til marknadsføring, produktutvikling og samarbeid	100 000	266 300
11	Valldal Grønt	Iverksette, gjennomføre og videreføre tiltak for å auke verdiskapinga	200 000	2 052 000
12	Tafjord Overnatting	Etableringstilskot	90 000	189 000
13	Tafjord Batsafari	Flaggermussafari i Tafjord	40 000	83 500
14	Arbeidsgruppe v/ Jan Olav Hesthaug	Turistinformasjon i Eidsdal	12 500	25 000
15	Limousine West v/ Hallgeir Greger	Marknadsføring	70 700	70 700
16	Limousine West v/ Hallgeir Greger	Innkjøp av limousin nr 2	55 000	110 000
		Til saman	1 278 529	2 726 431

Saksvurdering og konklusjon:

Sakene vert lagt fram som individuelle saker.

Stig Holmstrøm
rådmann

Saksnr. utval	Utval	Møtedato
026/06	Formannskapet	24.04.06

NORDDAL KOMMUNE

Arkiv: U00

Saksmappe: 06/00022-5

Møtebok

Rådmannen si innstilling:

Vedtak i Formannskapet - 24.04.06:

Saksgrunnlag:

Saksopplysningar:

Saksvurdering og konklusjon: