NORDDAL KOMMUNE

Arkiv: L12

Saksmappe: 05/00602-10

Dato: 11.04.2006

Møtebok

Saksnr. utval	Utval	Møtedato
027/06	Det faste utvalet for plansaker	24.04.06

Utsendte saksdokument:

Privat forslag til reg.plan Vikaberga, brev dat. 11.04.06

Reguleringsplankart, M= 1: 1000

Reguleringsføresegner §§ 1-4, dagsett 08.04.06

Plansituasjon med innkomne merknader, dat. 08.04.06

Planbeskrivelse dagsett 08.04.06

Ikkje utsendte saksdokument:

Brev frå Miljødepartementet av 02.02.2004 vedk. motsegn

Landskapsanalyse frå Aurland Naturverkstad BA av juli 2005 (Rapport nr. 3-2005)

Referat frå møte 03.06.05 mellom fylket, grunneigar og kommunen

Annonse om oppstart av reguleringsarbeid (merknadsfrist 16.09.05)

Brev frå Anne Inger og Kåre Strøm dat. 15.08.05 vedk. oppstart av regulering

Kartutsnitt, M= 1: 5000, som syner avgrensing av planområde

Brev frå Kystverket av 05.09.05, førehandsuttale

Brev frå Statens vegvesen dat. 08.09.05 vedk. avkøyrsle

Fråsegn, Møre og Romsdal fylke, dagsett 10.09.05

Uttale etter synfaring, Møre og Romsdal fylke, kulturavd., dat. 21.12.05

Merknad av 10.09.05 frå adv. Olav V. Myklebust (Jon Ole Viken)

Gjeldande kommuneplanen, arealdelen

Delplan for Fjørå, arealdelen

Rådmannen si innstilling:

Det faste utvalet for plansaker har vurdert privat forslag til reguleringsplan for VIKABERGA, og vil fremme forslaget som offentleg plansak.

I samsvar med § 27-1 i Plan- og bygningslova vedtek Det faste utvalet for plansaker å legge forslaget til reguleringsplan for VIKABERGA ut til offentleg ettersyn i 30 dagar (26.04.-26.05.06) i samsvar med kart og føresegner dagsett 08.04.06 med følgjande justering:

Planområdet vert å utvide til også å femne om eksisterande campingområdet/turistområde på

gnr. 28, bnr. 2.

Planområdet vert også å utvide til å femne om sjøarealet rundt Vikaberga i samsvar med

kommuneplanen (NFFF-område).

Saksgrunnlag:

Sist forslaget til kommuneplan, arealdelen, var fremma, var heile nesten Vikaberga mot sjøen sett av som hytteområde. Vidare var det sett av til område for hytter frå tunet i Vika og oppover mot nord. Det var berre byggeområde som var med i arealplanen.

Møre og Romsdal fylke hadde motsegn på hytteoråde på den sjøvende delen av Vikaberga grunna i landskapsmessige omsyn. Det var gjennomført mekling mellom Fylkesmannen og kommunen, men utan noko anna resultat. Kommunestyret vedtok planen slik forslaget var. Saka gjekk derfor til Miljøverndepartementet, og området var så langt unnateke kommunestyret sitt vedtak.

Miljødepartementet (MD) sitt svarbrev i saka er dat. 02.02.2004. I vedtaket frå MD blir det opna for fritidsbygg på den austre delen av Vikaberga, men ikkje på toppen eller i dei bratte sidene mot sjøen.

Påskrift på endeleg kommuneplankart er at endeleg avgrensing er etter reguleringsplan.

I brevsending dagsett 11.04.06 frå Anne Inger og Kåre Strøm ligg føre privat forslag til reguleringsplan for Vikaberga; jfr. saksvedlegg.

Saksopplysningar:

I grunnlaget for det føreliggande private planforslaget er nytta gjennomført landskapsanalyse av Aurland Naturverkstad BA v/Morten Clemetsen. Analysen tek for seg heile Vika og vurderer delområde. Som mogleg byggeområde blir det vurdert eit område i det slake partiet sør-aust på øvste halvdel av bergsida, samt vegføring og parkering.

Analysen som var kosta av kommunen har vore presentert for fylket og grunneigar i møte (03.06.05). Det ligg føre referat frå fellesmøtet.

Når det gjeld faregrense for flodbølge frå fjellskred, så ligg det ikkje føre bølgeanalyse for oppskyllingsnivå for Vika korkje frå skred på Åkneset eller Hegguraksla. Ved Tafjordulykka i 1934 gjekk bølga opp til cote 11, og ein har halde seg til den. Ein hyttetomt ligg under denne cota.

Oppstart av arbeidet med reguleringsplan var kunngjort den 15.08.05. Planområdet omfatta delar av gnr. 28, bnr. 1 og delar av gnr. 28, bnr. 2. På eigedomen gnr. 28, bnr. 1 omfatta planområdet Vikaberga med frilufts- og hytteområde, eksisterande campingplass og nytt hytteområde (nord).

På eigedomen gnr. 28, bnr. 2 gjaldt planområdet eksisterande campingplass. Kommunen ynskte at dette var teke med fordi ein har sakna reguleringsplan for dette området.

Fristen for merknader og innspel i høve oppstarten av reguleringsarbeidet var sett til 16.09.05.

Merknad 1. Kystverket Midt-Norge (05.09.05)

Det vert vist til farlei i fjorden, og det vert rekna med at det blir teke omsyn til dette i reguleringsplan.

Det vert bede om at Fiskeridirektoratet vert varsla i saka.

Varslingsbrevet avgrensar planorådet ned til sjøen, medan kartet viser også sjøområde.

Kystverket vil gje uttale når plankartet blir lagt ut til offentleg ettersyn.

Merknad 2. Statens vegvesen (08.09.05)

Vegvesenet peikar på avkøyrsla til Fv 092 som eit kritisk punkt i planen i høve reguleringsføremåla. Den avkøyringa som er i dag, er ikkje god, og ein må finne alternativ avkøyring til området i reg.planprosessen.

Merknad 3. Møre og Romsdal fylke (10.09.05)

Fylket viser til vedtaket i brevet frå MD og til referat frå møtet 03.06.05 i Valldal.

For automatisk freda kulturminne vil ein gjere ei undersøking. Ein ynskjer meir info om nyare kulturminne, og kome med evt. innspel.

Landskaps- og naturverdiar er sett på tidlegare. Det blir presisert at hytteplasseringa skjer i samsvar med departementet sine retningsliner.

Faresone og farenivå som følgje av flodbølgjer bør avklarast. Det blir rådd til at planen ikkje blir slutthandsama før dette ligg føre.

Fylket føreset at landbruksaktiviteten vert definert i det vidare arbeidet, og at reguleringsføresegnene tek opp i seg korleis landbruk kan utøvast (til dømes tilkomst).

Merknad 4. Adv. Olav Myklebust for Jon Ole Viken (10.09.05)

Eigar av gnr. 28, bnr. 2 er ikkje interessert i regulering av eigen eigedom, og det er uaktuelt å engasjere seg i saka eller ta del i kostnadane med dette.

Kommentar til merknadane

Merknad 1 Kystverket. I det store og heile imøtekomen, men det er ikkje teke kontakt med fiskeridirektoratet. Sjøarealet rundt Vikaberga er i kommuneplanen avsett til NFFF-område, og det er såleis ikkje opna for akuakultur her.

Merknad 2 Statens vegvesen. I planforslaget er lagt inn ei avkøyrsle som settar krava til frisikt for 40 km-sone slik det er; ein er open for modifisert løysing eller andre utformingar.

Merknad 3 Møre og Romsdal fylke. Stort sett bør dette vere stetta. Det er gjennomført synfaring med arkeolog (avslutta med eige brev av 21.12.05). For landbruk finn ein det vanskeleg å ha med noko spesielt om utnyttinga anna enn å regulere til landbruksføremål og at tilkomst er frå regulert felles veg. Drivhuset er planlagt etterkvart å verte bygt om til servicebygg for campingplass og hytteområda.

Merknad 4. Jon Ole Viken. Det er kommunen som ville ha campingplassen med i planområdet, og det ser ein på for framleis aktuelt.

Saksvurdering og konklusjon:

I kommuneplanen, arealdelen, er sjøområdet syd og vest for Vikaberga avsett til LNFFF-område (Landbruk, friluft, fiske, fangst). I delplanen for Fjørå som tek opp i seg auste del av Vikaberga, er ikkje sjøarealet i planen klassifisert. Her kan ein oppfatte vedteken arealplan/delplan slik at LNFFF-området i arealplanen også gjeld delplanen, men så har vi Rusetbugen med sin eksisterande akuakultur innanfor delplanen.

Grunnlaget for å utvide reguleringsplanområdet til også å omfemne sjøområdet, er grunna i denne uklarheita om sjøarealet, samt at det vi verte mykje meir oversiktleg med ein plan for Vikaberga som tek føre seg både land og det nære sjøareal.

Vidare må det, sett frå reguleringsmyndigheita si side, vere rett å utvide reguleringsplanen til også å femne om dei areal som vert nytta til camping og turistretta verksemd på Viken sin eigedom gnr. 28/2. Kommunen har arbeidd aktivt med byggeskikk sidan på 90-talet, og dette tema må vere ein delgrunn. Vidare må det vere rett å sjå eit av dei naturgitte flottaste områda i kommunen vår i ein heilskap når ein i 2006 lagar reguleringsplan for Vika/Vikaberga. Det er berre gjennom reguleringsplan ein vil kunne ha styring med tiltak på ein campingplass.

Når det gjeld avkøyrsla frå Fv 092 til området, kan ein vel seie at eksisterande avkøyrsle ved tunellopninga fungerar i det daglege, men har ikkje ei god framtidsretta utforming, og det er såleis naturleg at det i planen vert innarbeidd avkøyrsle etter vegnormalane. Spørsmålet kan her vere om ein ventar med gjennomføring av ny avkøyrsle til den kan få samanheng med utbetring av fylkesvegen i området.

Faresone og farenivå som følgje av flodbølgjer er eit aktuelt spørsmål i vårt område no. Her har føreliggande planforslag lagt til grunn bølgja etter ulykka i 1934 til cote 11, då ein pr. dato ikkje har noko anna å forhalde seg til her korkje frå skred på Åkneset eller Hegguraksla. Det kan kome nye opplysningar, farevurderingar mv. som kan endre dette og som kan få konsekvensar i denne reguleringsplansaka. Fylket rår til at planen ikkje vert slutthandsama før faresone og farenivå som følgje av flodbølgjer er avklara.

Etter ei samla vurdering vil ei rå til at føreliggande planutkast m/føresegner for Vikaberga datert 08.04.06, kan fremmast som offentleg plansak. Planområdet rår ein til vert utvida til femne om gnr. 28/2 og sjøareal i samsvar med punkta 1 og 2 i saksinnstillinga.

Planen vert på vanleg måte i samsvar med § 27-1 i PBL å legge ut for offentleg ettersyn i perioden 26.04.-26.05.06.

Stig Holmstrøm
rådmann