Handsaming i Det faste utvalet for plansaker 20.06.06:
Svein Linge, Al kom med slikt forslag til vedtak:
Med vising til vedteken reguleringsplan for hytter
Lingestranda, vedtek Det faste utvalet for plansaker at Sigurd Linge får dele
frå dei to omsøkte tomtene. Ein viser i denne saka til den praksis som vart
innført av landbruksstyret i Møre og Romsdal for naboeigedomen i vest.
Røysting:
4 røysta for innstillinga
3 røysta for Linge sitt forslag som fall
--------------------------------Dette er slutten på
behandlingsteksten (denne teksten skrives ikke
ut)------------------------------------------------
Saksgrunnlag:
Det ligg føre søknad frå Sigurd Linge som eigar av gnr 1 bnr
1 om frådeling av 2 tomter for hytte.
Den eine tomta er bebygd med hytte, den andre er ubebygd. Grunngjevinga er å betre tryggleiken til
bruket og finansiering for bygging av nytt fritidshus med tilstrekkeleg garanti
i tomtene.
Saksopplysningar:
Det aktuelle arealet er del av reguleringsplanen
”Lingestranda”, her er det lagt ut byggjeområde for hytter og naust. Jordlova
sin §12 var gjort gjeldande for heile planområdet.
Dei to hyttene som er søkt om, ligg på areal regulert til
hytter, men som ikkje kan delast frå.
Ei frådeling krev reguleringsendring.
§ 12 Jordlov:
Det er jordlova sin § 12 som ligg til grunn når
delingssamtykke skal vurderast. Paragrafen seier m.a.: ”Eigedom som er nytta
eller kan nyttast til jordbruk eller skogbruk, kan ikkje delast utan samtykke
frå departementet.”
Samtykke kan gjevast dersom eitt av følgjande to vilkår er
oppfylt: 1) Samfunnsinteresser av stor vekt talar for det, eller 2) Deling er forsvarleg
ut frå omsynet til den avkastinga eigedommen kan gje. Dersom ingen av vilkåra
er oppfylt, må søknaden avslåast.
Ved avgjerda skal det m.a. takast omsyn til om deling kan
føre til drifts- eller miljømessige ulemper for landbruket i området. Det skal
òg takast omsyn til godkjende planar som ligg føre for arealbruken etter plan-
og bygningslova og omsynet til kulturlandskapet.
Samtykke til deling kan gjevast på slike vilkår som er
naudsynte av omsyn til dei føremåla som lova skal fremje.
Saksvurdering og konklusjon:
Landbruksfagleg vurdering
Jordlova har til formål å legge til rette for at jordviddene
i landet med skog og fjell og alt som høyrer til, kan bli brukt på den måten
som er mest gagnleg for samfunnet og dei som har yrket sitt i landbruket.
Arealressursane bør disponerast på ein måte som gir ein tenleg, variert
bruksstruktur ut frå samfunnsutviklinga i området og med hovudvekt på omsynet
til busetnad, arbeid og driftsmessige gode løysingar. Ein samfunnsgagnleg bruk
inneber at ein tek omsyn til at ressursane skal disponerst ut frå framtidige
generasjonar sine behov.
Jordlova § 12 inneheld eit generelt forbod mot å dele
eigedomar som er nytte eller kan nyttast til jord eller skogbruk. Det kan berre
gjerast unntak frå dette forbodet dersom
samfunnsinteresser av stor vekt talar for det, eller dersom deling er
forsvarleg ut i frå omsynet til den avkastning eigedomen kan gi.
Frådeling vil legg til rette for kortsiktig vinning, og
uttak av ressursar som kan bli brukt til anna formål enn det lova legg opp til.
Reguleringsplanen forutset utleige, som har eit større
inntektspotensiale enn bortfeste. I eit
langtidsperspektiv vil dagens reguleringsplan ivareta formålet med
jordlova, og den samfunnsinteresse at inntektspotensiale er knytt til bruket.
Vurdering etter plan- og bygningslova
Arealet er regulert til hytter knytt til hovudeigedomen
(utleigehytter). Det er intensjonen i
reguleringsplanen. På den tilgrensande
naboeigedomen er det frådelt ei tilsvarande tomt ved dispensasjon frå reguleringsplanen
etter at fylkeslandbruksstyret ga løyve til å dele frå. Det er og frådelt ei tomt til etter
reguleringsendring. For begge tomtene
var det sett vilkår for å ivareta strandsona.
Dette er ikkje ovehelde, og frådeling av tomter i strandsona bør ein sjå
vekk i frå når konsekvensane blir slik.
Det viktigaste her er likevel intensjonen ved
reguleringsplanen som er at hyttene skal vere knytte til eigedomen og ikkje
delast frå. Frådelte tomter kan rett
nok ligge til garden, og kan etter jordlova reknast til driftseininga, men eit
fråsal av bebygd eigedom kan likevel skje utan krav til melding eller kontroll.
Med vising til reguleringsplanen bør ikkje hyttetomtene
delast frå.
