|
|
NORDDAL KOMMUNE |
Arkiv: G21
Saksmappe: 05/00941-6
Sakshandsamar: Turid Engeseth Løvoll Dato: 31.03.2006 |
|
|
|
|
Flytting av svartenesta for
legevakta i Norddal kommune
|
Utval |
Møtedato |
|
|
Driftsutvalet |
02.05.06 |
Utsendte saksdokument:
Ikkje utsendte
saksdokument:
Brev frå Fagforbundet dagsett 06.03.06
Utkast til systembok
1. Svartenesta for legevakta i Norddal blir flytta frå Valldal sjukeheim til AMK ved Helse Sunnmøre HF frå medio mai 2006.
2. Det blir inngått avtale med Helse Sunnmøre HF om drift av medisinsk nødmeldeteneste og legevaktformidling.
3. Flytting av svartenesta må ikkje medføre redusert bemanning på Valldal sjukeheim, verken når det gjeld stillingsheimlar eller antal fagpersonell på vakt.
4. Funksjonstillegget til hjelpepleiarane som betenar LVS fell bort frå den dagen svartenesta blir borte.
1. Svartenesta for legevakta i Norddal blir flytta frå Valldal sjukeheim til AMK ved Helse Sunnmøre HF frå medio mai 2006.
2. Det blir inngått avtale med Helse Sunnmøre HF om drift av medisinsk nødmeldeteneste og legevaktformidling.
3. Flytting av svartenesta må ikkje medføre redusert bemanning på Valldal sjukeheim, verken når det gjeld stillingsheimlar eller antal fagpersonell på vakt.
4. Funksjonstillegget til hjelpepleiarane som betenar LVS fell bort frå den dagen svartenesta blir borte.
Behov for å flytte svartenesta for legevakta frå Valldal sjukeheim
Frå 26. september 1993 har det vore etablert lokal legevaktsentral ved Valldal sjukeheim. Fram til denne etableringa var tenesta lagt til Stranda kommune. Heilt frå etableringa var eit faktum og fram til i dag, er det det ordinære personalet ved sjukeavdelinga som har betent legevaktsentralen. Det vart utifrå saksutgreiinga den gongen berekna 20 % sjukepleiarstilling til betjeninga av legevaktsentralen (LVS). Denne personalressursen vart teken av den beståande, og ikkje tilsett nokon ekstra.
LVS har som kjent vore svarteneste for innbyggarane i Norddal, Stordal, Liabygda og Geiranger fram til Stordal gjekk inn i legevaktsamarbeid med Ørskog og Skodje .
Sjukepleiarane og hjelpeleiarane som arbeider på sjukeavdelinga har fått opplæring i betjening av LVS, så sant norskkunnskapane deira har blitt vurdert som gode nok. Medisinsk ansvarleg lege for LVS gir dette løyvet. Det tar ofte 1-2 år før dette er i orden for utanlandske medarbeidarar. Dersom alle stillingar er dekt opp med kvalifisert personale, vil vi kunne ha nok personar til å betene sentralen. Men ettersom åra har gått er det fleire hjelpepleiarar som har fått legeerklæring på at dei ikkje skal betene LVS på grunn av det psykiske presset dette medfører. Samtidig er det vanskeleg å til ei kvar tid å ha dekt opp fagstillingane med kvalifisert personale.
Av sikkerheitsomsyn skal det alltid være to personale på vakt som kan betene LVS. Det betyr at ein må ha minimum 6 personar pr. døgn. Dette går stort sett greitt, takka være eit fleksibelt personale. Men ved sjukdom og i feriar/høgtider står ein ovanfor store utfordringar for å få kabalen til å gå opp.
Gjennom året i 2005 hadde ein om lag 4350 henvendingar til LVS. 1480 henvendingar medførte vidare kontakt med lege. Dette kan synest overkomeleg når ein ser på henvendingar som medfører vidare kontakt med lege, men personalet som har telefonen må kvar gong denne ringer gå frå sitt pleiearbeid for å svare på henvendinga. Ein kan ikkje svare på den bærbare telefonen utan å samtidig fysisk gå til sentralen. Ein veit aldri kva henvendinga dreiar seg om, og i dei fleste tilfelle er det situasjonar som ikkje er akutte, men det veit ein aldri. I tillegg skal ein kvar gong det ringer foreta ulike skriftlege registreringar.
Den psykiske belastninga på personalet, er berre ei side av denne saka. Det som er minst like belastande og kanskje meir, er at når telefonen ringer, må personalet forlate pasienten uansett kva oppgåve ein heldt på med. I løpet av eit stell/måltid, må ein kanskje forlate pasienten fleire gongar, og ved akuttsituasjonar vil ein kunne bli lenge borte frå pasienten. I slike tilfelle kan det også være vanskelig å få gitt beskjed til det andre personalet om å overta pleieoppgåva hjå pasienten. Slike situasjonar er belastande for personalet og svært uverdig for pasientane ved sjukeavdelinga.
Dei fleste kommunar i området rundt Ålesund sjukehus har flytta svartenesta for legevakta til AMK. Det er henta inn tilbod frå Helse sunnmøre HF både på delt og udelt svarteneste, men av faglege omsyn blir ein anbefalt å ha udelt svarteneste. Dvs at AMK har svartenesta heile døgnet, men at vanlege henvendingar går til legekontoret på dagtid, slik det er i dag.
Prisen på delt svarteneste er kr 104 000 pr. år og for udelt svarteneste er prisen kr 148 000. I tillegg kjem ein kostnad for drift av sjølva radiosambandet, fordelt på AMK og alle kommunane. Nøyaktig sum på dette har ein ikkje i skrivande stund.
Den fysiske plasseringa av basen for helseradionettet vil framleis måtte være plassert i kommunnen fram til nytt helsenett blir etablert tidlegast i 2009.
Ved lokale forhandlingar har hjelpepleiarane fått tillegget. Inkl. sosiale utgifter vil dette utgjere
kr 155 300 pr. år. Fagforbundet har tatt opp med sine medlemar at eit slik tillegg vil bli tatt bort dersom LVS blir flytta, noko berørte medlemar er innforstått med.
Ved undersøking i andre kommunar som har flytta svartenesta ut frå sjukeheimen, blir ein anbefalt å gå inn på ein slik avtale med Helse Sunnmøre. Den totale kvaliteten i sjukeheimar som har flytta svartenesta har blitt vesentleg betre etter flyttinga.
Utifrå ei totalvurdering der ein tenkjer på ivaretaking av både pasientar og personell, ser ein det som ein stor fordel å flytte svartenesta for legevakta til AMK. Ved ei flytting må ein syte for at det likevel er eit minimum av kvalifisert fagpersonell på vakt til ei kvar tid, dvs minimum to sjukepleiar/hjelpeleiar på vakt. Ein må ikkje sjå på flyttinga som ei moglegheit for å erstatte faglege bemanninga med ufaglært personale.
|
Stig Holmstrøm |
|
|
rådmann |
|
|
|
|
|
|
|
