Møtebok
Ordførargodtgjersle
|
Saksnr.
utval
|
Utval
|
Møtedato
|
|
012/06
|
Kommunestyret
|
30.03.06
|
Utsendte saksdokument:
|
Vedlegg:
|
|
1
|
Brev med vedlegg frå ordførar Arne Sandnes
|
Ikkje utsendte
saksdokument:
Når folket får velje, Forsøkene med direkte valg av ordfører som deltakelses- og styringsreform.
Marcus Buck, Helge O. Larsen og Tord Willumsen, Kommuneforlaget 2006.
Handsaming i Kommunestyret 30.03.06:
Norddalslista sette fram slikt forslag til vedtak:
Saka vert utsatt og tatt opp i samband med
budsjettrevisjonen i neste kommunestyremøte,
jfr. punkt 8 i
vedtak i K.sak 71/05.
Røysting:
8 røysta for forslaget frå Norddalslista som fall.
12 røysta imot
Aksjonslista bad om gruppemøte.
Per Jomar Nerli, Al, sette fram slikt forslag til vedtak:
Sidan budsjettmøtet i desember 2005 har ikkje kommunestyret
fått nye opplysningar om arbeidsmengde og/eller nye prioriteringar over kva
oppgåver ordføraren må gjere og/eller kva som kan gjerast av andre
politikarar/administrasjonen.
Kommunestyret ber om at formannskapet (saman med rådmannen)
går gjennom dei opplista oppgåvene ordføraren viser til i sitt brev til
kommunestyret, og prioriterer kva oppgåver ordføraren skal gjere.
Forslaget vart trekt.
Det vart sett fram
slikt forslag frå Solveig Linge Stakkestad, Sp:
Ordførargodtgjersla vert sett til 100 % av rådmannen si løn
frå dags dato.
Karl Jostein Rødset sette fram slikt forslag til vedtak:
Vedtaket frå budsjettmøtet i desember 2005 med ei
godtgjersle på 80% av rådmannen si løn,
vert oppretthalde.
Røysting:
Det vart røysta over dei to forslaga.
19 røysta for forslaget frå Solveig Linge Stakkestad, Sp.
1 røysta for
forslaget frå Karl Jostein Rødset, H.
--------------------------------Dette er slutten på
behandlingsteksten (denne teksten skrives ikke
ut)------------------------------------------------
Saksgrunnlag:
I samband med handsaminga av årsbudsjettet for 2006, vedtok
kommunestyret å redusere ordføraren si godtgjersle frå 100% til 80% av
rådmannen si årsløn. Som det går fram av vedlegg i saka, ber ordføraren
kommunestyret om å gjere om på vedtaket.
Saksopplysningar:
Som kjend, har Norddal kommune direktevald ordførar. Det er
nettopp kome ut ein rapport på kommuneforlaget omkring forsøka med direkte val
av ordførar i 19 kommunar, og rådmannen har tillate seg å ringe rundt for å
høyre om godtgjersla for ordførar i desse kommunane. Av 18 (av i alt 19)
kommunar med direktevald ordførar, har 16 ordførarar 100% av rådmannen si løn i
godtgjersle, 1 kommune (Bokn, 786 innb.) har 50 % godtgjersle, medan 1 kommune
(Hareid, 4.748 innb.) har 80% godtgjersle. Når det gjeld sistnemnde kommune,
vart det sagt at ordninga med 80% godtgjersle hang saman med at dei 2 siste
ordførarane var svært aktive i fylkespolitikken (Holm, Gjerde), og at det difor
var naturleg med redusert godtgjersle. Dette er så blitt vidareført.
Saksvurdering og konklusjon:
Samanlikningar mellom ulike kommunar om storleiken på
godtgjersla for ordførar, er vanskeleg. Kommunane er ulike i folketal,
geografi/kommunikasjonar, kommunal infrastruktur, politisk engasjement,
organisering, tiltaksarbeid, m.m.m., og det som høver og fungerer i ein
kommune, treng ikkje gjere det i ein annan. Det er likevel viktig å ha klart
for seg at ordførarstillinga ikkje inneber eit ordinært tilsettingstilhøve hos
ein arbeidsgjevar, men er eit politisk ombod. Det er difor ikkje snakk om å gje
ordføraren løn, men godtgjersle. Kva omfang oppgåvene for ordføraren skal ha,
må det difor vere opp til kommunestyret i samråd med ordføraren å avgjere.
Rådmannen meiner at dette er ei klar politisk sak, og vil
difor ikkje leggje fram ei administrativ innstilling.
