Drift av Tafjord Friluftsbad 2007 og evaluering av sesongen 2006

Saksgrunnlag:

Styringsgruppa for Tafjord friluftsbad har evaluert sesongen for 2006 og diskutert tilrådingar for sesongen 2007.

Saksopplysningar:

Den 2. mai 2006 gjorde driftsutvalet vedtak om å opprette ei styringsgruppe for Tafjord Friluftsbad. Gruppa er sett saman av ein representant frå driftsutvalet, ein representant i frå bygdeutvalet i Tafjord, reiselivssjefen og verksemdsleiar. Styringsgruppa kom saman den 15. mars 2007 for å evaluere sesongen 2006 og diskutere evnt. nye grep for sesongen 2007. Rekneskapet for både sesongen 2005 og 2006 vart lagt fram i møte samt skisse over regulert friområde kring Tafjord friluftsbad som nabobedrifta Båthamn Camping Tafjord leiger av Norddal kommune.

Styringsgruppa ser det som viktig at Tafjord friluftsbad held fram med å vere eit tilbod og ikkje noko kommersielt. Billettprisar for sesongen 2007 ser ein ingen grunn for å endre det same gjeld for opningstidene. For sesongen 2006 opna ein for at bedrifter i Tafjord kunne få bruke friluftsbadet til sine gjester før og etter ordinær opningstid. For komande sesong vil styringsgruppa utvide tilbodet for alle bedrifter i kommunen. Ved bruk av friluftsbadet utanom ordinær opningstid må den einskilde bedrift inngå ei kontrakt med kommunen om ansvar og krav kommunen må sette ved slik bruk. Elles er tilbodet for bedrifta gratis.

Kommunen har i dag ikkje moglegheiter til utviding friluftsbadet sitt område. Areal nærast friluftsbadet har kommunen leigd ut til nabobedrifta fram til 01.12.2019 med moglegheit for lenging. For nabobedrifta er det framleis uavklara om dei kan få utvide avtalen. Formannskapet har gitt positive signal om at det kan vere aktuelt at kommunen leiger bort parkeringsområdet vest for bassenget. Før sak om ei evnt. reguleringsendring av området vert gjennomført skal avtale utformast. Styringsgruppa vil tilrå at gjeldane avtale på området kring friluftsbadet skal vere slik den er no. Sett under eitt ser ein det også som viktig for området her at man kan oppretthalde fri tilgang til sjøen og elva.

Friluftsbadet sine gjester har i alle år nytta eit område som Tafjord kraft eig på sydsida av fylkesvegen. For komande sesong har man i investeringsbudsjettet sett av midlar til å opparbeide området meir fagmessig som ein parkeringsplass. Mellom Norddal kommune og Tafjord kraft vart det i 2005 inngått ein formell avtale om at besøkande til badet har høve til å nytte eit parkeringsområdet på 40m x 28m. Avtalen gjeld i fyrste omgang fram til 31.12.08, men Tafjord Kraft er positiv til lenging av avtalen. Elles ser styringsgruppa at ein får ut i live nokre punkt som går på trivsel inne på badeområdet og som ikkje treng dei store investeringane.

Driftsresultat 2001- 2006:

	2006	2005	2004	2003	2002	2001

Løn badevakt innkl. sosiale utg.	215 300	200 500	227 200	239 100	194 300	220 500
Driftsutg. straum, kurs, matriell etc.	117 900	124 000	99 500	135 300	80 000	210 000
Eigen arbeidsinnsats innkl. adm.	96 600	89 300	100 500	90 000	152 200	135 900
DRIFTSUTGIFTER	429 800	413 800	427 200	464 400	426 500	566 400

Billettsal	364 100	350 500	318 700	319 100	300 700	249 500
Utleige solsenger, sal av badeutst.	7 800	8 100
DRIFTSINNTEKTER	371 900	358 600	318 700	319 100	300 700	249 500

Driftsunderskot	57 900	55 200	108 500	145 300	125 800	316 900

Saksvurdering og konklusjon:

Styringsgruppa for Tafjord Friluftsbad vil for komande sesong 2007 ikkje gjere vesentlege endringar på drifta. Ein ser at tiltaka som driftsutvalet vedtok i sak 21/05 og i sak 32/06 har fungert tilfredstillande. Tilbodet til bedrifter om å nytte friluftsbadet før og etter ordinær opningstid skal for komande sesong også gjelde for alle bedrifter i kommunen. For aktuelle bedrifter vert det å inngå kontrakt som tek i vare ansvar og plikter ved bruk av friluftsbadet.

Areal regulert til trafikkområde og som no ikkje er leigd bort bør halde fram med å vere til fri bruk for alle gjester på området.

Billettprisane for 2007 vert som i fjor kr. 800 for familiekort, kr. 300 for sesong einskildperson, kr. 50 for vaksen og kr. 30 for born. Etter gjeldane vedtak skal badet halde ope kvar dag i perioden frå og med 1. juni og fram til og med 19. august. Opningstida vert også som i fjor, kl. 11-18 laurdag og sundag og kl. 12-18 elles i veka.

I samsvar med kontrakt inngått i 2005 med bedrifta Båthamn Camping Tafjord skal aktuell bedrift ha høve til også i år å inngå kontrakt om kioskdrifta.

Stig Holmstrøm
rådmann

Saksnr. utval	Utval	Møtedato
019/07	Driftsutvalet	27.03.07

NORDDAL KOMMUNE

Arkiv: D2

Saksmappe: 07/00265-1

Møtebok

Rådmannen si innstilling:

1. Opningsperioden for sesongen 2007 skal vere fredag 1. juni - sundag 19. august.

2. Opningstida i opningsperioden vert sett som for 2006 til kl. 12.00-18.00 på kvardagar og kl. 11.00- 18.00 i helgane (laurdag og sundag).

5. Driftsutvalet vil overfor Formannskapet tilrå at gjeldane avtale på området kring friluftsbadet ikkje vert utvida. Sett under eitt ser ein det som mest teneleg for området at fri tilgang til sjøen og elva vert sikra på best mogleg måte.