NORDDAL KOMMUNE

Arkiv: L82

Saksmappe: 06/00088-8

Dato: 21.03.2006

Møtebok

Saksnr. utval	Utval	Møtedato
014/06	Kommunestyret	30.03.06

Utsendte saksdokument:

1	Framlegg til vedtekter
2	Prospekt
3	Økonomiske konsekvenser Murihagen Kurssenter AS, notat frå Sintef MRB
4	Synergier Murihagen Kurssenter AS, notat frå Sintef MRB

Ikkje utsendte saksdokument:

Handsaming i Kommunestyret 30.03.06:

Viktor Valdal gjekk frå som ugild i saka. No 19 representantar.

Frank Iversen, Ap, sette fram slikt forslag til vedtak:

Pkt. 4 i innstillinga vert stroke.

Prøverøysting:

Fleirtalet røysta for å stryke pkt. 4.

Per Arne Løvoll, KrF, sette fram slikt forslag om tillegg til § 4 i vedtektene:

”…inntil 300 B-aksjar”

Punktvis røysting:

Pkt. 1 samrøystes i samsvar med innstillinga med slikt tillegg til §4 i vedtektene:

”…inntil 300 B-aksjar”

Pkt. 2 samrøystes i samsvar med innstillinga.

Pkt. 3 samrøystes i samsvar med innstillinga.

Pkt. 4 samrøystes i samsvar med forslaget frå Frank Iversen om å stryke punktet.

Vedtak i Kommunestyret - 30.03.06:

1. Kommunestyret godkjenner vedlagte framlegg til vedtekter for Murihagen kurssenter AS

med slikt tillegg til § 4 i vektektene: ”…inntil 300 B-aksjar”

2. Den vedtatte kommunale aksjekapitalen på kr.150.000,- skal nyttast til A-aksjar.

3. Kommunestyret gir rådmannen fullmakt til å delta på kommunen sine vegner på skipingsmøtet.

Saksgrunnlag:

Murihagen kurssenter er ei av fleire etableringar knytt til utvikling av området Muriparken. Norddal kommune har deltatt i utgreiings- og førebuande etableringsarbeid gjennom administrativ deltaking i arbeidsgruppe og interimsstyre. Deltaking i aksjeselskapet vart vedtatt i kommunestyret 16.02.06, PS 005/06, der det vart gjort følgjande vedtak (pkt. 4):

Norddal kommune vil delta i etableringa av Murihagen kurssenter med ein aksjekapital på kr.150.000,-.

Saksopplysningar:

Interimsstyret for Murihagen kurssenter v/styreleiar Espen Remme inviterer no til skipingsmøte for Murihagen kurssenter AS torsdag 4. mai d.å. Føremålet med møtet er å foreta aksjeteikning og skipe selskapet. Forutan Norddal kommune og Muritunet, er det ei rekkje lag og organisasjonar lokalt/regionalt og nasjonalt som har sagt seg interessert i å delta i skipinga av selskapet, som t.d. Nasjonalforeningen for folkehelsen, Norsk Pensjonistforbund, Norske kvinners Sanitetsforening og Folkeuniversitetet. Som det går fram av framlegget til vedtekter for selskapet, er det antatt ein aksjekapital på kr.1.300.000,-, fordelt på 1000 A-aksjar à kr.1.000,- og 300 B-aksjar à kr.1.000,-. Muritunet ønskjer å ha aksjemajoritet, og vil sikre fullteikning av A-aksjane.

Saksvurdering og konklusjon:

Når det gjeld konkret innhald i tilbodet til kurssenteret, viser eg til vedlagte prospekt som gir ei kortfatta framstilling. Eg viser elles også til dei vedlagte notata frå Sintef MRB vedk. økonomi og synergieffektar. Desse var også ein del av den presentasjonen Sintef MRB v/Bernt Skjong ga i kommunestyret 16. februar i tilknyting til handsaminga av PS 005/06 Muriparken.

Rådmannen vil her berre understreke at kurssenteret er viktig for generering av aktivitet som vil vere med og oppfylle forpliktingane knytt til utnytting av hotellkapasiteten, forutan at kurstilboda i seg sjølv vil kunne vere positive og nyttige for mange – også lokalt. Det er viktig at kurssenteret kan etablerast snarast råd med tanke på at det vil ta noka tid å innarbeide seg i marknaden, og å gi dei synergiar som er meint å hente ut av verksemda.

Stig Holmstrøm
rådmann