NORDDAL KOMMUNE

Arkiv: 66/9 Saksmappe: 06/00436-5 Sakshandsamar: Toralv Klokkehaug Dato: 19.03.2007

Møtebok

Søknad frå Eidsdal Samdrift om stønad frå næringsfondet

Saksnr. utval	Utval	Møtedato
039/07	Formannskapet	26.03.07

Utsendte saksdokument:

Kopi av søknaden

Ikkje utsendte saksdokument:

Rådmannen si innstilling:

Formannskapet vedtek at det ikkje vert løyvd verken tilskot eller lån frå det kommunale næringsfondet til Eidsdal Samdrift DA.

-----------------------------------------------------

Handsaming i Næringsfondsstyret 26.03.2007:

Viktor Valdal, Tl kom med slikt forslag til vedtak:

Næringsfondsstyret løyver kr. 150.000,- i tilskot frå næringsfondet til Eidsdal Samdrift DA.

Ordføraren kom med slikt forslag til vedtak:

Næringsfondsstyret løyver kr. 300.000,- i tilskot frå næringsfondet til Eidsdal Samdrift DA.

Prøverøysting:

0 røysta for innstillinga

3 røysta for Viktor Valdal sitt forslag

4 røysta for ordføraren sitt forslag

Endeleg avrøysting:

3 røysta for Viktor Valdal sitt forslag som fall

4 røysta for ordføraren sitt forslag

--------------------------------Dette er slutten på behandlingsteksten (denne teksten skrives ikke ut)------------------------------------------------

Vedtak i Næringsfondsstyret - 26.03.2007:

Næringsfondsstyret løyver kr. 300.000,- i tilskot frå næringsfondet til Eidsdal Samdrift DA.

----------------------------------------------------------------------------

Saksgrunnlag:

Næringsfondet vert lagt fram som individuelle saker, men med ei orienteringssak som skal bidra til å skape oversikt over innkomne søknader og lette prioriteringa

Saksopplysningar:

Eidsdal Samdrift DA v/Jan Trygve Veiberg søkjer om kr 300.000,- i tilskot og kr 300.000,- i rentefritt lån. Finansieringa gjeld bygging av nytt samdriftsfjøs for storfe som er kostnadsrekna til over

9 mill. kr. Fjøsen skal ha plass til 75 mjølkekyr og 100 ungdyr.

Samdrifta omfattar i dag fire gardbrukarar i Eidsdal som alle driv med mjølkeproduksjon. I søknaden går det fram at dei har driftsbygningar som trengs større utbetringar, og at nye forskrifter vil føre til større investeringar for kvart gardsbruk dei næraste åra.

Dersom dei ikkje får til samdrifta, vil nedlegging vere det einaste alternativet slik det går fram av søknaden. Ved å gå inn i samdrifta vil dette også vere eit positivt bidrag til å oppretthalde busetjinga i bygda.

I tillegg til næringsfondet er det også søkt om finansiering gjennom Innovasjon Norge. Der er det søkt om eit tilskot på kr 600.000,- og kr 3.000.000,- i rentestøtte.

Saksvurdering og konklusjon:

Norddal kommune ser svært positivt på etablering av samdrift i Eidsdal. Dette vil vere med på å sikre både arbeidsplassar og busetnad. I vedtektene for det kommunale næringsfondet står det i pkt. 2 at midlar frå fondet ”bør heller ikkje løyvast til verksemder som tek mot vesentleg støtte over statsbudsjettet”. Midlane som kjem frå Innovasjon Norge kjem frå statsbudsjettet og i kvar einskild sak kan ein vurdere om støtta er vesentleg eller ikkje. Dette er ofte ei vanskeleg vurdering.

Stig Holmstrøm

Rådmann