Rådmannen si innstilling:
1.
Det faste utvalet for plansaker har vurdert privat forslag til
reguleringsplan for Lingåsen hyttefelt, og med heimel i § 30 i plan- og
bygningslova vil planutvalet fremme planforslaget som offentleg plansak.
2.
Planutvalet vil fremme saka med desse endringane:
- Det
vert flateregulert inn areal som privat veg for tilkomstveg frå den nye
Åsevegen og til hyttefeltet.
- Nytt
pkt.6 i § 6 Privat veg i føresegnene:
På området mellom ny Åseveg og tilkomst til feltet kan det takast
ut masse til bruk for Åsevegen.
- Tillegg
til § 2 pkt.1 1.ledd: Maks. gj.sn. gesimshøgde over terreng skal vere 6
meter.
- Endring
av § 2 pkt.2 slik at hovudtakvinkel skal vere i intervallet 27 til 35
grader.
- Nytt
pkt.4 i § 9 Fellesbestemmelser:
Før opparbeiding av feltet kan starte, skal det ligge føre
godkjente planar for sikringstiltak for snøskred frå området nord for
Klovset. Opparbeiding av
sikringstiltak skal skje seinast samstundes med opparbeiding av feltet.
3.
Med heimel i § 27-1 i plan- og bygningslova vedtek Det faste
utvalet for plansaker å legge forslag til reguleringsplan for Lingåsen i
samsvar med plankart og føresegner dagsett 05.03.06, rev.21.03.06.
-----------------------------------------------------
Handsaming i Det faste utvalet for plansaker 24.04.06:
Signe Brenna, Nl, kom med slikt forslag til vedtak som tillegg til innstillinga:
Nytt pkt. e: Det vert forbod mot gjerding unntatt der
sikring er nødvendig mot stup.
Nytt pkt. d: Tomt 1 går ut fordi den ligg midt i setervegen
som går mellom Linge og Lingåsen.
Røysting:
2 røysta for Brenna
sitt forslag til nytt pkt e som fall.
1 røysta for Brenna sitt forslag til nytt pkt d som fall.
Vedtak samrøystes i samsvar med innstillinga.
--------------------------------Dette er slutten på
behandlingsteksten (denne teksten skrives ikke
ut)------------------------------------------------
1.
Det faste utvalet for plansaker har vurdert privat forslag til
reguleringsplan for Lingåsen hyttefelt, og med heimel i § 30 i plan- og
bygningslova vil planutvalet fremme planforslaget som offentleg plansak.
2.
Planutvalet vil fremme saka med desse endringane:
- Det
vert flateregulert inn areal som privat veg for tilkomstveg frå den nye
Åsevegen og til hyttefeltet.
- Nytt
pkt.6 i § 6 Privat veg i føresegnene:
På området mellom ny Åseveg og tilkomst til feltet kan det takast
ut masse til bruk for Åsevegen.
- Tillegg
til § 2 pkt.1 1.ledd: Maks. gj.sn. gesimshøgde over terreng skal vere 6
meter.
- Endring
av § 2 pkt.2 slik at hovudtakvinkel skal vere i intervallet 27 til 35
grader.
- Nytt
pkt.4 i § 9 Fellesbestemmelser:
Før opparbeiding av feltet kan starte, skal det ligge føre
godkjente planar for sikringstiltak for snøskred frå området nord for
Klovset. Opparbeiding av
sikringstiltak skal skje seinast samstundes med opparbeiding av feltet.
3. Med heimel i § 27-1 i plan- og bygningslova
vedtek Det faste utvalet for plansaker å legge forslag til reguleringsplan for
Lingåsen i samsvar med plankart og føresegner dagsett 05.03.06, rev.21.03.06.
----------------------------------------------------------------------------
Saksgrunnlag:
Det ligg føre privat forslag til reguleringsplan for
Lingåsen hyttefelt.
Saksopplysningar:
Planarbeidet har vore kunngjort opppstarta, og det har kome
3 merknader.
Merknad 1. Møre og Romsdal fylke
Merknad 2. Jan Ove Hareide
Merknaden gjeld oppretthalding av skogen som grensar til
Lingås hyttegrend
Merknad 3. Unn Linge Valdal
Det vert peika på at stien, eller tilkomsten mellom Linge og
Lingås må haldast ved lag.
Kommentar
Skogen som står på tomtene vil vere innfor byggeområdet, men
tre kan ikkje fjernast utan grunneigaren sitt samtykke.
Stisambandet mellom Linge og Lingås vil bli oppretthalde,
men med litt omlegging.
Planforslag ligg no føre.
Saksvurdering og konklusjon:
Lokalisering og avgrensing av planområdet er i samsvar med
arealdelen i kommuneplanen.
Planforslaget omfattar i alt 45 hytter som ligg samla. Storleik på tomtene varierer. Utnytting for bebyggelse er gitt ved TU %
som er tillatt bruksareal i prosent av tomta sitt areal. Bruksareal er innvendig flate av bygget
uavhengig av etasjetal. Faktoren må
kombinerast med høgde av bygget, og i forslaget er det ikkje sett opp høgde. Ein har vorte samde om gesimshøgde 6 meter.
Takvinkel er sett til intervallet 22 – 40 grader. Dette er veldig vidt, og vil gje eit
uensarta inntrykk av bygningsgruppene.
Ein har vorte samde om eit intervall på 27 – 35 grader.
Vegtilknyting skal skje ved den nye Åsevegen som er under
bygging, og til denne er det lagt tilkomst med tilknyting utanfor
planområdet. Ein har lagt inn Åsevegen
slik den no vert bygt, og lagt inn mellomliggande areal som privat veg. Dette er flateregulert med ny, forlenga
tilknytingsveg som illustrasjon. I
dette området er det og aktuelt å take ut meir masse enn naudsynt for denne
vegen for å dekke opp massebalansen på Åsevegen. Dette er teke inn i reguleringsføresegnene.
Ein har vurdert rasfåre for området. Det er registrert snøkred med løsneområde
frå ein fjellkant nord for Klovset. Til
vanleg stoppar dette opp på ei lita flate nedanfor fjellsida med
løsneområde. 2 gongar er det kjent at
skredet har gått vidare, og det har og nådd sjøen. Men det er veldig uklart framstilt kvar fonnafaret har vore og
kvar det har treft sjøen. Men det skal
gå slik kvart 40.år, og ligg då innanfor risikoen for 1000-års-skredet. Ein har drøfta dette med
fylkesgeologen. Ein føreset at det er
mogleg å etablere sikringstiltak med fangvoll/ledevoll i området der skredet
til vanleg stoppar. Tiltaket vil vere
nær veg, og er i felles utmark ved Klovset.
Dette er teke inn i reguleringsføresegnene. Det er dette med ras som gjorde at sakshandsaminga har trekt ut.
Ut over dette synast planforslaget greitt og vert å legge
fram for vidare handsaming.
Ved første gangs handsaming var det reist tre spørsmål som
ein har arbeidd med.
a.
Masser frå tilkomst frå ny Åseveg
Ein har profilert og masseberkna vegstrekninga. Vegen i seg sjølv gir eit masseoverskot laus
masse på 2 000 m3. Behovet for Åsevegen
var 2 – 3 000 m3. Skal ein ha 1 000 m3
til, får ein det ved å sprenge 2 meter meir inn i bakken.
b.
Avgrensing av dyrka jord
På plankartet har ein teikna inn avgrensinga av området slik
det ligg i kommuneplanen, oge in har teikna inn grense skog/beite mot dyrka
jord. Desse to linjene fell mykje
saman. 6 hyttetomter ligg ovanfor
desse linjene i tillegg til den øvste vegen.
c.
Omlegging og bruk av setervegen
Ein har teikna inn traséen for eksisterande seterveg på
plankartet. Vegen er lagt om i
planen. Vegen er lagt ut i utskiftinga
som veg nr.2 som felles vegrett over eigedoms grunn. Den er tidlegare lagt om lenger ned i samband med hyttefeltet
der. Det er akseptert omlegging berre
tilkomst og gjennomgang er sikra. Det
er det gjennom planen. Dersom tomt 1
blir flytta noko mot aust, unngår ein setervegen.
