NORDDAL KOMMUNE

Arkiv: NF-SJØ Saksmappe: 06/00612-4 Sakshandsamar: Toralv Klokkehaug Dato: 19.03.2007

Møtebok

Søknad frå Sjøkanten Mat & Vinhus om midlar frå næringsfondet

Saksnr. utval	Utval	Møtedato
048/07	Formannskapet	26.03.07

Utsendte saksdokument:

Kopi av søknaden

Ikkje utsendte saksdokument:

Rådmannen si innstilling:

Formannskapet vedtek eit tilskot på kr 100.000,- frå det kommunale næringsfondet.

-----------------------------------------------------

Handsaming i Næringsfondsstyret 26.03.2007:

Signe Brenna, Nl kom med forslag om å utsetje saka.

Det vart røysta over utsetjingsforslaget:

1 røysta for Signe Brenna sitt forslag

5 røysta i mot

Røysting:

5 røysta for innstillinga

1 røysta i mot

--------------------------------Dette er slutten på behandlingsteksten (denne teksten skrives ikke ut)------------------------------------------------

Vedtak i Næringsfondsstyret - 26.03.2007:

Næringsfondsstyret vedtek å løyve eit tilskot på kr 100.000,- frå det kommunale næringsfondet til Sjøkanten Mat & Vinhus.

----------------------------------------------------------------------------

Saksgrunnlag:

Næringsfondsakene vert lagt fram som individuelle saker, men med ei orienteringssak som skal bidra til å skape oversikt over innkomne søknader og lette prioriteringa.

Saksopplysningar:

Marit Homlung er i dag eigar og drivar av Sjøkanten Mat & Vinhus i Eidsdal. Dei siste par åra har det vore arbeidet med sal. Aksjeselskapet E. Heitmann AS har i lengre tid vurdert kjøp. Det er teke utgangspunkt i ein kjøpesum på 1,5 mill kr. Som ein del av dette førebuande arbeidet, vert det no søkt om kr 400.000,- frå det kommunale næringsfondet til å foreta kjøpet. Det er i budsjettet for drifta i 2007 lagt inn 2 deltidsstillingar og sommarhjelp.

I søknaden går det fram at kafeen har mange viktige funksjonar i bygda som sosial samlingsplass og leverandør av mat og tenester til arrangement andre stader i bygda. Det er også venta større turisttrafikk i området på grunn av verdsarvstatusen.

Kafeen har hatt ei omsetting på ca 1,4 mill kr kvart år. Omsettinga har gått noko ned dei siste åra da noverande eigar vart sjuk. I samband med kjøpet er det ikkje nødvendig med større investeringar for å sette i gang drifta.

Saksvurdering og konklusjon:

Norddal kommune ser det som viktig at vidare drift av Sjøkanten Mat & Vinhus kan halde fram.

Ein kafe i bygda har mange positive sider for dei fastbuande, men det er også viktig at turistane som reiser forbi har ein plass dei kan stoppe for å få seg ein matbit. På denne måten er turistane lenger i bygda, og det er lettare å orientere seg om andre tilbod i lokalmiljøet. Dette kan på sikt også føre til gode inntekter for andre lokale aktørar.

Stig Holmstrøm

rådmann