NORDDAL KOMMUNE

Arkiv: C52

Saksmappe: 07/00234-2

Dato: 13.03.2007

Møtebok

Saksnr. utval	Utval	Møtedato
049/07	Formannskapet	26.03.07
025/07	Kommunestyret	15.05.07

Utsendte saksdokument:

Søknad frå Stiftinga Paktarstova

Prisoverslag frå Harald Starheim.

Ikkje utsendte saksdokument:

Handsaming i Formannskapet 26.03.2007:

Signe Brenna, Nl gjekk frå som ugild – no 4 representantar.

Rådmannen la fram slik endra innstilling i møtet:

Norddal kommune set av kr 350.000 til nytt sanitærbygg på Paktarbustaden under budsjettrevidering 1. kvartal.

Røysting:

Samrøystes i samsvar med rådmannen si nye innstilling.

Handsaming i Kommunestyret 15.05.2007:

Signe Brenna og Petter Melchior gjekk frå som ugilde – no 16 representantar.

Rådmannen la fram slikt endringsforslag til finansiering:

Norddal kommune set av kr 350.000 til nytt sanitærbygg på Paktarbustaden under budsjettrevidering 1. kvartal ved bruk av driftsfond 9501.

Røysting:

Samrøystes i samsvar med rådmannen sitt forslag.

Vedtak i Kommunestyret - 15.05.2007:

Norddal kommune set av kr 350.000 til nytt sanitærbygg på Paktarbustaden under budsjettrevidering 1. kvartal ved bruk av driftsfond 9501.

Saksgrunnlag:

Stiftinga Paktarstova er no etablert, og mykje positivt arbeid er på gang. For å kome vidare er det naudsynt å få på plass eit sanitærbygg.

Saksopplysningar:

Prosjektet med Paktarstova har vore oppe til politisk handsaming fleire gongar det siste året.

Styret i stiftinga ber om at kommunen finansierer bygget, som grovt er kalkulert til 450.000 kr inklusiv mva og planlegging. Det ligg ikkje føre endelege teikningar.

Saksvurdering og konklusjon:

Eit sanitærbygg er avgjerande for å skape meir aktivitet på tunet. Tidlegare har ein til ein viss grad kunne nytte toaletta i hovudhuset, men dette er no uaktuelt. Det må på plass ei permanent løysing.

Det har vore ønskje om å få byggje på Paktarstova opp mot vegen for å få på plass naudsynte lokalitetar. Dette blir avvist frå fylkeskonservator som er fredningsmynde. Det må difor på plass eitt frittståande bygg. Det skal vere drøftingsmøte med fylkeskonservator i april for få finne eigna plassering.

Kommunen vil, når formalitetane med Brønnøysund er på plass, overføre eigedomen til stiftinga. Eigedomen vil vere grunnkapitalen, og stiftinga har ikkje midlar som startkapital. Dei er difor avhengig av naudsynt drahjelp for å kome i gang. Utan eit slikt bygg vil ein heller ikkje få til utvikling.

Kommunen er også med i styret, og har eigeninteresse av at ting utviklar seg. Det er difor viktig å få sett av eit rammebeløp under budsjettrevideringa. Kostnaden har kome fram etter at ein har nytta erfaringstal på slike type bygg i samråd med avdelingsingeniør Lars Kjell Smoge. Arkitekt John Stavseng har vore kontakta for å kvalitetssikre summen.

Stig Holmstrøm
rådmann