Møtebok
Undervisningstimetalet i
grunnskulen 2006-2007
|
Saksnr.
utval
|
Utval
|
Møtedato
|
|
022/06
|
Driftsutvalet
|
20.03.06
|
Utsendte saksdokument:
Undervisningstimetalet i grunnskulen for skuleåret 2006/2007
– ønskje frå skulane
Undervisningstimetalet i grunnskulen for skuleåret 2006/2007
- framlegg
Lærartimar pr. elev for skulane i Norddal 2006/2007
Ikkje utsendte
saksdokument:
Utgifter pr. elev og samla for skulane i Norddal
Rådmannen si innstilling:
Driftsutvalet vedtek undervisningstimetalet i grunnskulen
for skuleåret 2006/2007 slik det ligg føre.
-----------------------------------------------------
Handsaming i Driftsutvalet 20.03.06:
Samrøystes i samsvar med innstillinga.
--------------------------------Dette er slutten på
behandlingsteksten (denne teksten skrives ikke
ut)------------------------------------------------
Saksgrunnlag:
Undervisningstimetalet er det samla lærartimetalet for
skuleåret. Rektorane har sendt inn oversikt over klassedeling og skulane sine
ønskje om tildeling av lærartimar til klassedeling, gruppedeling/tilpassa
undervisning, spesialundervisning med konvertering og kontaktlærarteneste. I
tillegg kjem timar til opplæring av framandspråklege. Dei timane blir
finansierte av statlege midlar og blir såleis ikkje rekna inn i summen for
oppsettet over undervisningstimetalet. Rektorane har sendt inn grunngjevingar
for skulane sine ønskje.
Saksopplysningar:
Timar til klassedeling og kontaktlærarteneste blir tildelte
etter dei reglane som har vore tidlegare, og det er ikkje teke omsyn til at
reglane for storleiken på klasser og grupper er mjuka opp.
Klassedelinga komande skuleår er den same som for skuleåret
05/06, men ved Valldal skule har 1. kl. meir enn 18 elevar.
Behovet for timar til gruppedeling og tilpassa undervisning
er vurdert for den einskilde skule, og det er teke omsyn til at gruppene skal
vere pedagogisk forsvarlege, og at behovet for tilpassa undervisning blir
rimeleg dekt.
Behovet for spesialundervisning er i år noko større enn
tidlegare år. Tildeling her er gjort etter uttale og vurdering frå Pedagogisk
Psykologisk Teneste.
Det samla undervisningstimetalet i grunnskulen i Norddal
utanom opplæring av framandspråklege er sett til 28 619. Det er ein auke i høve
til inneverande skuleår på 2187 timar. I fjor vart undervisningstalet reelt
sett redusert noko frå året før.
Behovet for ein så stor auke har 3 hovudårsaker:
- Elevtalet
i kommunen har gått noko opp, særleg i Dalsbygda og Eidsdal.
- Første
årssteg på Valldal skule har meir enn 18 elevar, noko som utløyser behov
for ekstra lærar i klassen.
- Behovet
for spesialundervisning er for tida større enn normalt. Ein del elevar er
særleg ressurskrevjande og treng ekstra hjelp og tilsyn alle timar. Det
ser ut som behovet for spesialundervisning vil gå noko ned igjen til
skuleåret 08/09.
Saksvurdering og konklusjon:
Framlegget til undervisningstimetal i grunnskulen for
skuleåret 2006/2007 skal kunne gje skuleverket i Norddal rom for å drive etter
gjeldande lover og forskrifter, og bør også kunne gje høve til å organisere
undervisninga på ein pedagogisk tilfredstillande måte.
