Rådmannen si innstilling:
Kommunestyret har vurdert ei ny samla vurdering vedk.
leidningsnett i samband med ny Åseveg.
I tillegg til vedtak i sak 89/04 den 25.10.04 gjer også
driftsutvalet vedtak om at:
1.
Kloakkleidning skal leggast frå pel 1150 og opp til 1600 forbi grova.
2. Vassleidning skal leggast frå pel 1150
og opp til pel 1480 der leidningen dreier inn i bustadfeltet Nerås/Lingås og
går vidare derifrå om lag 120 meter bort til snuplassen.
3. Gatelys skal leggast opp slik at talet
på punkt vert vesentleg redusert.
4. Trekkerør skal leggast ned i vegtraséen
der kloakkleidning er lagt ned aleine eller der både vass- og kloakkleidning er
lagt ned.
5. Finansieringa av ytterligare vass- og
kloakkleidning i nye Åsevegen skal vere gjennom sjølvfinansiert låneopptak på
1,5 mill i tillegg til dei 2 mill som
alt er sett av til VA..
-----------------------------------------------------
Kommunestyret har vurdert ei ny samla vurdering vedk.
leidningsnett i samband med ny Åseveg.
I tillegg til vedtak i sak 89/04 den 25.10.04 gjer også
driftsutvalet vedtak om at:
1.
Kloakkleidning skal leggast frå pel 1150 og opp til 1600 forbi grova.
2.
Vassleidning skal leggast frå pel 1150 og opp til pel 1480 der
leidningen dreier inn i bustadfeltet Nerås/Lingås og går vidare derifrå om lag
120 meter bort til snuplassen.
3.
Trekkrør for lys, breiband m.v. skal leggast ned i vegtraséen
der kloakkleidning er lagt ned aleine eller der både vass- og kloakkleidning er
lagt ned. Vegstrekninga blir innarbeidd i planen for utbygging av breiband.
4.
Finansieringa av ytterligare vass- og kloakkleidning i nye
Åsevegen skal vere gjennom sjølvfinansiert låneopptak på 1,5 mill i
tillegg til dei 2 mill som alt er sett
av til VA..
----------------------------------------------------------------------------
Saksgrunnlag:
I samband med at ny Åseveg er under bygging har vi kome bort
i endringsmeldingar som gjeld leidningsnettet. Med tanke på framdrifta av
anlegget er det framleis litt tid før ein må ta endelig stilling til løysinga
vedk. aktuelle endringsmeldingar. Ein ser nye moment som tilseier at vi også
bør nytte høve til å ta ei ny politisk runde på kva vi skal og ikkje skal legge
ned av leidningar og trekkerør i vegen.
Saksopplysningar:
Tilbakeblikk
I samband med prosjektering og grunninnløysing for ny Åseveg
kom det fram spørsmål om bygging av hovudleidningar for avløp og vatn i
traséen, evnt. også trekkerør for kablar. Med tanke på å få tilkopla framtidige
abonnentar gjorde driftsutvalet den 25.10.04 i sak 89/04 vedtak om å bygge
vass- og kloakkleidning i nedre del av ny vegtrasé. Trekkerør for kablar skulle
også takast med. Hovudsakleg ville ein kunne få nye abonnentar i samband med
planlagt hyttefelt på gnr. 2 bnr. 1 i Lingåsen og for framtidig ny
vassforsyning til Linge. Finansiering av leidningsnett i vegen vart å
budsjettere innafor midlar for vass- og avløpsanlegg. Alternativ b. i
tilrådinga vart vedteken. Grov kostnadskalkyle var sett til kr. 810 000
inklusiv ein pumpestasjon
I brev dagsett 10.11.04 til prosjekteringsfirmaet Asplan
Viak la administrasjonen fram ynskje om at eit strekk på om lag 200 meter
kloakkrør i øvre veitrasé blei vurdert lagt inn i prosjektet og anbodet. Syner
til pkt. 6. i dette brevet. Kopi av brevet vart sendt formann og sekretær i
byggje- og anleggsnemnda. Aktuelt strekk med kloakkrør til ein kostnad av kr.
250 000 er teke med i anbodssummen på 2 mill som er sett av til vass- og kloakkleidning. Alt. b. utan
pumpestasjonen ligg då inne i anbodet med ein kostnad av kr.
1 750 000.
I samsvar med Formannskapsvedtak 89/05 den 10.10.05 vart
kabelanlegg å dekke av El-verket, i den grad det ville komme til utføring.
Grunnarbeid til gatelys til ein kostnad av kr. 100 000 vart å sette av i
eigen budsjettpost. Frå ”Forhandlingsmøte med Busengdal Transport AS” dagsett
19.10.05 går det fram av referatet at kabeletatane som breiband og telekabel
samt Norddal Elverk har gitt melding om å ikkje å delta på anlegget med
framføring av kabel. Trekkerør i vegen vart
ut i frå dette teke ut av anbodet.
Ny samla vurdering
Den tekniske administrasjonen har samla vurdert :
Overvassystemet, vassforsyninga, kloakkeringa, gatelys og trekkerør i nye
Åsevegen.
0. Overvassystemet
Eit lukka overvassystem gir rett nok eit betre tilbod for
borttransportering av drens- og takvatn, men ein har kome fram til at ein vil
halde på eit ope overvassystem som alt er planlagt. Gjennom
reguleringsforskrifter og byggjemelding skal ein kunne vere meir utfyllande på
korleis ein vil at drens- og takvatn vert lede vekk.
1. Vassforsyninga
Det er ynskjeleg å vidareføre vassleidninga (110 mm) frå
snuplassen i bustadfeltet Nerås/Lingås og vestover ut i ny Åseveg og vidare ned
til slyngen i pel 1150, der ho vert kopla saman med planlagt vassleidning. Ein
vil gjennom å byggje dette ekstra leidningsstrekket oppnå ringleidningseffekt
og ein langt betre brannberedskap for området.
Vassleveringa vert sikrare til området, og vasskvaliteten
vert betre gjennom auka sirkulasjon. Det vil også vere mogleg å nytte
høgdebassenget som reservekjelde i forsyningsområdet Murihøgda B3 og B5 ved ei
sentral vassavstenging. Ved levering av vatn frå høgdebassenget kan ein ei tid
framover utsette bygginga av planlagt trykkaukestasjon i pel 700. Når ein
seinare har fått på plass trykkaukestasjonen vil ein kunne forsyne Nerås/Lingås
bustafelt med vatn når ein utfører vedlikehalsarbeid på høgdebassenget. Ein kan
også kople ut høgdebassenget og berre bruke det som brannreserve når trykkaukestasjonen er på plass.
2. Kloakkeringa
I pel 1400 har vi fått inn endringsmelding nr. 01 til ein
kostnad av kr. 50 000. I staden for berre flytting på kummer og leidningar
i dette punktet er det ynskjeleg å få ført kloakken ned til pel 1150 parallelt med vassleidningen som omtalt i
punkt. 1. Eksisterande kloakktrasé mellom nedre og øvre vegline ligg svært
grunt og då utsett til. Kvaliteten på leidningen hadde ein også sett var betre.
Leidningar som ligg i veg vil alltid vere lettare tilgjengelege å ha drift og
vedlikehald på enn dei som ikkje ligg i veg.
Ved pel 1600 er det ønskeleg at kloakkleidningen vert
forlenga nokre få meter slik at ho vert avslutta aust for grova.
Kloakkering og
vassforsyning jfr. punkt 1. og 2. er kalkulert til kr. 550 000.
3. Endring og påkost vass- og kloakkleidning mellom pel 340
– pel 530
Grunna konflikt med eksisterande vass- og avløpsleidning
mellom pel 500 og pel 560 må leidningane senkast og omleggast. Endringsmeldinga
er kalkulert til kr. 150 000.
Ein ser det som uheldig å knyte seg til dei eksisterande
leidningane ved pel 530 då eksisterande vassleidning er 110 mm PVC PN6. Grunna
forsyningssikkerheit legg ein ikkje lågare trykklasse enn PN 10. For å nå tak i
ønska dimensjon og trykklasse må ein også grave om lag 50 m gjennom ein privat
plen. Det er også her ein fordel å få lagt både vass- og kloakkleidningane i ny
Åseveg. For å få fall på kloakkleidningen må ein kople i pel 340.
Omlegging av vass- og
kloakkleidning jfr. punkt 3. er
kalkulert til kr. 300 000.
4. Gatelys
Det er kome innspel frå hytteeigera om minst mogleg gatelys
i øvre vegtrasé. Ein ser poenget og vil foreslå at det ikkje vert lagt opp for
gatelys anna enn i eksisterande og planlagde kryss. I anbodet er det lagt opp
til grunnarbeid og feste for 18 lyspunkt til ein kostnad av kr. 100 000.
Ein ser det som mogleg å redusere kostnadane på gatelys med kr. 50 000.
5. Trekkerør
Trekkerør for kabel er no ikkje medteken i anbodet. Ein ser
det som ikkje store kostnadane i denne samanhengen, men ser det som
framtidsretta å få lagt ned trekkerør saman med vass- og kloakkleidningane –
1250 m.
Nedlegging av
trekkerør og trekkekummer jfr. punkt 5
er kalkulert til kr. 100 000.
Saksvurdering og konklusjon:
Å kunne sjå fram i tid er ikkje alltid like enkelt. I
tillegg har ein knappe budsjett som skal haldast. Infrastruktur som
vassforsyning, kloakkering og kabling gir som regel fleire moglegheiter for
utvikling av eit område. Det er både lettare og rimeligare å få lagt ned
infrastrukturen i vegbana no enn å bygge dette ved eit seinare høve.
Etter ei samla vurdering har drifts- og planavdelinga sett
det som både meir framtidsretta og driftssikkert å gjere ei utviding av alt
planlagt leidningsnett og ei endring av planlagt gatelys/trekkerør i nye
Åsevegen. Dei nye vurderingane vil resultere i eit auka låneopptak på 1,5 mill
der ein har teke med i påslag for usikkerheit 15%, administrasjon 3% og
prisstigning 5%.
Konsekvens for gebyrgrunnlaget:
|
Konsekvens for brukar vedk. lån på VA-anlegg
|
(med mva)
|
(med mva)
|
|
Beløp
mill
|
Vatn kr.
|
Avlaup kr.
|
|
|
|
|
|
3,5
|
660
(825)
|
339
(424)
|
|
2,5
|
471
(589)
|
242
(302)
|
|
1
|
188
(235)
|
97
(121)
|
”Utdrag
frå Budsjett og økonomiplan 2006-2009 (20. juni 2005 av krh):
4.1
Investeringsprosjekt, hovudinndeling og prinsipp
Investeringsprosjekt kan være av ulik
karakter. Vi kan i hovudsak skilje mellom tre typar investeringar:
- Betalingsfinansierte investeringar(sjølvfinansierte): Ved
hjelp av statlige tilskot, kommunale avgifter eller leieinntekter,
salsinntekter o.l. vil prosjektet på kort eller lang sikt vere
sjølvfinansierande. Nokre slike prosjekt er lovbestemt brukarfinansiert;
dette gjelder VAR- området (vassforsyning, avløp, renovasjon m.v.) Sjølv i
økonomiske tronge tider kan kommunen påta seg slike investeringsprosjekt.
Det som er viktig å analysere er om slike investeringar fører til auke i
årlege driftsutgifter. Det er likevel viktig å merke seg at slike
investeringar også kan bidra til at kommunens lånebehov blir så stort at
sentrale myndigheiter kan gå inn og påpeke at totalgjeld i kommunen blir
så stor at vi ikkje får anledning til å investere i egne prosjekter.”
