NORDDAL KOMMUNE

Arkiv: U63

Saksmappe: 05/00155-7

Sakshandsamar: Wenke SyljuWenke Sylju

Møtebok

Søknad om endring av eksisterande skjenkeløyve

Saksnr. utval	Utval	Møtedato
020/06	Driftsutvalet	20.03.06
018/06	Kommunestyret	30.03.06

Utsendte saksdokument:

Ikkje utsendte saksdokument:

Søknad motteke 06.03.06

Alkoholpolitisk og førebyggande rusplan for Norddal kommune i perioden 2004-2008, vedteke av kommunestyret den 03.06.04 i sak 43/04

Rådmannen si innstilling:

Endring av eksisterande skjenkeløyve vert:

Skjenketida for skjenking av alkoholhaldig drikk med inntil 22 volumprosent alkohol vert utvida frå kl . 22. 00 til kl. 02.00 til skjenking inne og frå kl. 20.00 til kl.24.00 til skjenking ute.

Konsum av ”utskjenka” alkoholhaldig drikk må opphøyre seinast 30 minutt etter skjenketida sitt utløp. Stengetida for bevertningsstadene vert som hovudregel sett 30 minutt etter skjenketida sitt utløp, dvs. kl. 02.30, for skjenking ute vert stengetida kl. 00.30.

Innstilling i Driftsutvalet - 20.03.06:

Endring av eksisterande skjenkeløyve vert:

Skjenketida for skjenking av alkoholhaldig drikk med inntil 22 volumprosent alkohol vert utvida frå kl . 22. 00 til kl. 02.00 til skjenking inne og frå kl. 20.00 til kl.24.00 til skjenking ute.

Handsaming i Kommunestyret 30.03.06:

Merete Løvoll Rønneberg sette fram slikt forslag:

Skjenketida for alkoholhaldig drikk vert utvida fram til kl 23, både ute og inne, i samsvar med søknad.

Forslaget vart trekt.

Ordføraren sette fram slikt forslag til vedtak:

Norddal kommunestyre viser til gjeldande alkoholpolitiske plan i kommunen og finn at søknaden ligg innanfor vedtekne rammer.

Saksgrunnlag:

Det ligg føre søknad frå Tafjord Båthamn ved Joke og Albert van der Meule, 6213 Tafjord, motteke 06.03.06, om endring av eksisterande skjenkeløyve.

Saksopplysningar:

Joke og Albert van der Meule flytta frå Nederland til Tafjord i september 2004, kjøpte og tok over drifta av Tafjord Båthamn. Omsøkt skjenkearealet i 2005 er eit inneareal på 55 m2 med 20 seteplassar og eit innegjerda utandørs område i tilknyting til kaféen på 70 m2 med 80 seteplassar.

Det vart i møte i kommunstyrer den 31.05.05 gjort følgjande vedtak:

Tafjord Båthamn ved Joke og Albert van der Meule, 6213 Tafjord, får skjenkeløyve for øl i kl. b,c,d,e,f,g, rusbrus og vin. Løyvet gjeld for perioden 01.04-01.09 i 2005, 01.04-01.09 i 2006 og 01.04-01.09 i 2007. Skjenkeløyvet gjeld også avgrensa uteområde.

Jfr. søknad vert skjenketida til kl 22.00. Gjeld både inne- og uteservering.

Løyvehavar skal vere Tafjord Båthamn ved dagleg leiar Albert van der Meule, f. 231054.

Styrar skal vere Albert van der Meule, 6213 Tafjord og stedfortreder skal vere Joke van der Meule, f. 110557, 6213 Tafjord.

Løyve vert gitt med atterhald om alle naudsynte godkjenningar.

Dei søkjer no om å få utvide eksisterande skjenketid til kl. 23.00 både ute og inne.

Saksvurdering og konklusjon:

Sjølv om søkjarane har ønskje om ei tidsfesta skjenketid vil ein handsama denne saken på lik linje med ”ordinære” skjenkeløyve og vil jf. alkoholpolitiske retningsliner gå inn for skjenketid inne fram til kl. 02.00 og ute fram til kl. 24.00. Dette fordi ein da slepp å ta opp saken enda ein gong om løyvehavar skulle ønskje ytterlegare endring av skjenketida. Løyvehavar kan da, med utgangspunkt i desse skjenketidene, sjølv bestemme når han vil avslutte skjenkinga for kvelden.

Stig Holmstrøm
rådmann