Saksgrunnlag:
Indre Sunnmøre forsøksring søkjer kvart år om kommunalt
tilskot frå medlemskommunane Stranda, Sykkylven, Skodje, Stordal, Ørskog og
Norddal. Tilskotet er ein viktig del av den finansielle sida av drifta.
Saksopplysningar:
Forsøksringen blir finansiert av tilskot over
jordbruksavtalen (ca 30 % av budsjetterte utgifter) og resten gjennom
medlemskontingent og kommunale tilskot. I 2006 var medlemskontingenten
ca kr 1.200,- for kvar av kommunen sine 104 medlemar.
Forsøksringen ynskjer at det kommunale tilskotet i 2007 skal vere på same nivå
noko som vil føre til eit kommunalt tilskot på kr 124.800,-.
Norddal kommune si støtte til forsøksringen var i 2006 på kr
55.000,-. I samband med budsjettarbeidet for 2007 kom administrasjonen med
ynskje om at Forsøksringen sitt tilskot frå kommunen vart dobla til kr 110.000,-.
Grunngjevinga for dette var eit ynskje om at Forsøksringen vart lokalisert til
Fjordhagen.
Kommunen og Fjordhagen har også hatt møte med Forsøksringen
og Storfjord landbrukstenester der samlokalisering har vore tema. Det er også
sendt brev frå Fjordhagen til desse med tilbod om leige av lokale i Fjordhagen.
Det har vore ein føresetnad for slik samlokalisering at husleigeutgiftene etter
ei flytting ikkje vart større for nokon av partane.
Indre Sunnmøre forsøksring sitt arbeidsområde er omfattande,
og dei er ein viktig aktør i det lokale næringslivet. I søknaden er det gjort
meir greie for dette.
Saksvurdering og konklusjon:
Norddal kommune har svært mange aktive medlemar i
Forsøksringen i høve til folketalet. At kontoret til Forsøksringen ligg i
Norddal kommune er viktig og svært positivt for næringslivet.
Tilskotet frå Norddal kommune har ikkje vore spesielt høgt
når ein ser på medlemstalet. Når ein no ynskjer å auke tilskotet vesentleg, er
det først og fremst eit ynskje om at Forsøksringen setter i gang ein prosess
med samlokalisering i Fjordhagen sine lokale. Ei slik samlokalisering vil vere
med på å skape eit variert og sterkt fagmiljø som heile regionen og kommunen
vil ha nytte av. Samlokalisering vil også vere med på å stimulere til nyskaping
og næringsutvikling i Norddal kommune.
I framtida vil det vere viktig å etablere samlokaliserte og
tverrfaglege læringsarenaer som er rasjonelle sett frå brukaren si side.
Etableringa og vidareutvikling av Fjordhagen er eit viktig og framtidsretta
bidrag i dette arbeidet.
Slik Fjordhagen har utvikla seg den siste tida, er dette eit
etablert fagmiljø med mange aktørar innan fast etablerte bedrifter,
nyetablerarar og prosjektstillingar. Desse aktørane er no lokaliserte til
Fjordhagen: Fjordhagen AS, Norddal kommune, næringsavdelinga, Vitafjord AS,
Nord-Vest Revisjon AS, Gjerde Maskin AS, Turskreddaren, Valldal Kontor og Data
ANS, Møre og Romsdal fylke med kulturlandskapsstilling, interkommunal
skogbrukssjef og Buholmen Byggesselskap AS. Nye aktørar vil kome til etter
kvart. Spesielt for nyetablerarar er det viktig å kome inn i dette fagmiljøet
der ein kan få inspirasjon og hjelp i nyskapingsprosessar.
Norddal kommune har no høve til å kome med eit viktig bidrag
for å gjere samlokalisering mellom Indre Sunnmøre forsøksring og Fjordhagen
mogleg. Det er også viktig at ein legg til rette for at Storfjord
landbrukstenester vert samlokalisert til Fjordhagen.
Eit vedtak om auke av tilskotet til Indre Sunnmøre
forsøksring for 2007 til kr 110.000,- bør skje på vilkår av flytting til
Fjordhagen.
………………………………………………………………………..
Nye opplysningar
I budsjettet for næringsavdelinga er det under 1471 Tilskot
til næringslivet for 2007 ført opp
kr 345.000,-. (Kr 379.000,- i 2006). Dette har tidlegare
dekt tilskot til DGT og Indre Sunnmøre Forsøksring. Det er ikkje gjort vedtak
om andre finansieringskjelder. Tilskotet til DGT var i 2006 på kr 324.000,- og
Forsøksringen på kr 55.000,- . Avtalen med DGT skal indeksregulerast slik at
utgiftene i 2007 blir på kr 340.000,- . Dette er teke med i budsjettnotat frå
tidlegare næringssjef.
Det står da ikkje att midlar til Indre Sunnmøre forsøksring
dersom DGT skal få sine midlar.
Næringsfondet kan vere aktuelt, men det som vil vere mest
riktig, er å styrke budsjettpost 1471 med
kr 65.000,-. som kan gå som tilskot til Indre Sunnmøre
forsøksring. Midlane bør ikkje takast frå næringsfondet.
……………………………………………………………………
Rådmannen si innstilling
Norddal kommune
løyver eit tilskot til Indre Sunnmøre forsøksring på kr 65.000,- for 2007.
Midlane skal takast
frå budsjettpost 1471 som blir tilført midlar frå………………
