NORDDAL KOMMUNE

Arkiv: 144 V Saksmappe: 03/01035-12 Sakshandsamar: Inge Lilleås Dato: 02.03.06

Møtebok

Merknad til landbruksplan

Saksnr. utval	Utval	Møtedato
007/06	Viltnemnda	08.03.06

Utsendte saksdokument:

Høyringsutkast - Landbruksplan

Ikkje utsendte saksdokument:

Rådmannen si innstilling:

Viltnemnda vil gje slik uttale til forslag til landbruksplan for Norddal:

• På side 7 i planutkastet bør verdien av stipulert kjøtverdi ( Kr. 724800,-.) og

inntekta til det kommunale viltfondet. (Kr. 60000,-.) takast inn i planen.

• Side 15 i planen tek for seg stillingsressursane i næringsavdelinga, her må viltsekretæren si 10% stilling takast inn.

• På side 27 under tiltak bør setninga ”Samarbeid med prosjekttilsett i Skogeigarforeininga Nord” strykast.
• På same tiltak er kommunen oppsett som den som har ansvar for bestandsplanar. Dette er feil ansvaret her ligg hjå grunneigarane. Grunneigarane har fått og kan få støtte til slikt arbeid gjennom det kommunale viltfondet.

-----------------------------------------------------

Handsaming i Viltnemnda 08.03.06:

Petter Lingaas sette fram slikt forslag til eit nytt pkt. 5:

Norddal kommune har ein vedteken plan for hjorteforvaltning. Denne må det visast til i landbruksplanen.

Røysting:

Samrøystes i samsvar med rådmannen si innstilling og Lingaas sitt tilleggsforslag.

--------------------------------Dette er slutten på behandlingsteksten (denne teksten skrives ikke ut)------------------------------------------------

Vedtak i Viltnemnda - 08.03.06:

Viltnemnda vil gje slik uttale til forslag til landbruksplan for Norddal:

• På side 7 i planutkastet bør verdien av stipulert kjøtverdi ( Kr. 724800,-.) og

inntekta til det kommunale viltfondet. (Kr. 60000,-.) takast inn i planen.

• Side 15 i planen tek for seg stillingsressursane i næringsavdelinga, her må viltsekretæren si 10% stilling takast inn.

• På side 27 under tiltak bør setninga ”Samarbeid med prosjekttilsett i Skogeigarforeininga Nord” strykast.

• På same tiltak er kommunen oppsett som den som har ansvar for bestandsplanar. Dette er feil ansvaret her ligg hjå grunneigarane. Grunneigarane har fått og kan få støtte til slikt arbeid gjennom det kommunale viltfondet.

• Norddal kommune har ein vedteken plan for hjorteforvaltning. Denne må det visast til i landbruksplanen.

----------------------------------------------------------------------------

Saksgrunnlag:

Høyring på landbruksplan i Norddal kommune, datert 07.02.06.

Saksopplysningar:

Eg viser til planutkastet med høyringsfrist 15.03.06.

Saksvurdering:

Det er sikkert mykje bra i planutkastet generelt sett, men når det gjeld viltforvaltning er det heller skralt, men i tråd med den status vilt har i kommunen.

Ein skal søkje å peike på ein del i viltsamanheng som burde ha ein langt synlegare plass.

Eg vil sitere første to paragrafane i Viltlova.

§ 1) LOVENS FOREMÅL.

Viltet og viltets leveområder skal forvaltes slik at naturens produktivitet og artsrikdom bevares.

Innenfor denne ramme kan viltproduksjon høstes til gode for landbruksnæring og friluftsliv.

§2) LOVENS VIRKEOMRÅDE.

Med vilt menes i denne lov alle viltlevende landpattedyr og fugler, amfibier og krypdyr.

Loven gjelder også i Noregs økonomiske sone.

Det er viltnemnda som er ansvarleg for at intensjonane i siterte §§ vert haldne.

Ingen andre forum i kommunen har slik kompetanse..

Som det ser ut så meiner dei fleste at viltnemnda er synonymt med jakt på fugl og hjortevilt.

Sanninga er at ansvarsområdet er langt større. Ein skulle tru at ansvaret for å søkje å halde på artsmangfaldet i naturen hadde ein sjølvsagt plass i ein landbruksplan.

Eg må minne om at sjølv det minste kryp har sin plass i naturen, saman med alle andre arter.

Dette burde vere ABC i ei kommune som Norddal med delvis Verdsarvstatus og politikarar som meiner å kunne forvalte nasjonalparkar.

Diverre kan ein syne til saker der viltnemnda sitt syn glatt har vorte sett til sides og ein har i andre forum gjort vedtak som inneber direkte uheldige naturinngrep. Slikt og liknande er ikkje tenleg for å halde på artsmangfaldet

På side 15 i planutkastet er næringsavdelinga sine gjeremål opplista, men her er sekretæren for viltnemnda med ansvar for Viltlova i 10% stilling gløymt.

I 2005 vart det i Norddal felt 198 hjort, utrekna kjøtvekt etter gjennomsnittstal vart 12080 kg

Om ein reknar ein kg .pris på kr. 60,00 vert verdien på i alt kr.724800,-.

Til det kommunale viltfondet kom inn inntekter på kr. 60000,-.

Som samanlikning om lag det dobbelte av den verdi skogbruket sto for.

Potensiale for å utvikle tilleggsinntekt til gardbrukarane gjennom jakt på hjort er stor i eit breiare perspektiv. Det kan gjelde både utleige av jakt, kanskje vidareforedling av hjortekjøt.

I 2005 kosta Norddal viltnemnd kurs for to personar i hjorteoppdrett, kanskje kan det kome eit kvart ut av det. Om so vert må kommunen gje støtte og råd så langt det let seg gjere.

På side 27 under Tiltak med bestandsplan er det direkte feil.

Siste linje om samarbeid med prosjekttilsett i Skogeigarforeininga Nord er vel nokså tynnt.

Kommunen har vel vore ein langt meir aktiv premissleverandør i dette arbeidet.

Det er heller ikkje kommunen sitt ansvar å få til bestandsplanar, det er grunneigarane sitt ansvar, kommunen hjelper til om ynskjeleg.

Det oppnemnde landbruksforumet er breitt samansett og i dette burde det og ligge ein viss kunnskap/interesse og for vilt og det som høyrer til.

Når det ikkje er meir i planen som gjeld dette reknar eg med at det er ei klart prioritert vurdering.

Stig Holmstrøm

rådmann