Pressemelding – Rekord for arealavkastninga i skogen - Tømmerprisane opp til nominelle toppnivå

Dei siste åra har tømmerprisane auka kraftig og no kan god, lettdriven skogsmark gi rundt 500 kr per dekar i årleg avkastning. Det er betre enn for eksempel jordbrukarane får i arealtilskot for kulturbeite som er 471 kr per dekar. Skurtømmer vert no betalt 900 kr per m3 gran og massevirke 600 kr per m3 gran. Me påpeikar att det fordrar att skogen er hogstmoden. 

Oppfordring til skogeigarar

Me vil oppfordre skogeigarane til å sjå over eigedomen for å sjå om det er eigna areal til tømmerskogproduksjon. Me har 7 millionar dekar i Norge som er eigna til tømmerskogproduksjon utan konflikt med naturmangfald, som i dag ikkje er i bruk. Det kan vere krattskog eller gjengroingsareal etc. Stort sett vert ikkje lauvskogen vår driven og den rotnar ned. Det er dårleg for klimarekneskapen i kommunen og dårleg for økonomien til skogeigarane. 

Tilskotsordningar

Det er gode tilskotsordningar og skogfondsordning med skattefordelar for skogkultur og me oppmodar om skogeigarane til å ta kontakt for planting og ungskogpleie.

Skog

Spørsmål?

Kontakt skogbrukssjef Asle Johan Bergseth Konnerth 

Indre Sunnmøre skogbruksdistrikt – Stranda - Sykkylven - Fjord